¹⁰ نیک بیوی کون پا سکتا ہے؟
    وہ یاقوت سے زیادہ قیمتی ہے۔
¹¹ اس کا شو ہر اس پر اعتماد کرتا ہے
    اور اسکی قدر و قیمت میں کوئی کمی نہیں ہو تی ہے۔
¹² اسکی زندگی کے سبھی دنوں میں
    اسے بغیر کو ئی تکلیف پہنچا ئے وہ اچھا ئی لاتی ہے۔
¹³ وہ اون اور کتان جمع کرتی ہے،
    وہ بڑی مستعدی سے کام کرتی ہے۔
¹⁴ وہ اس جہاز کی مانند ہے جو دور مقام سے آتا ہے۔
    اوراپنی خوردنی کی چیزیں گھر لاتاہے۔
¹⁵ وہ ہر صبح جلدی اٹھ کر
    اپنے خاندان کے لئے کھا نا بنا تی ہے اور خادموں کا حصہ انکو دیتی ہے۔
¹⁶ وہ کھیت کی طرف دیکھتی ہے اور اسے خرید لیتی ہے۔
    اور اپنی کمائی سے وہ انگور کا باغ لگا تی ہے۔
¹⁷ وہ بہت محنت سے کام کر تی ہے
    اور اس کا بازو بہت مضبوط ہے۔
¹⁸ اپنی بنائی ہو ئی چیزوں کو جب وہ فروخت کر تی ہے تو منافع کماتی ہے۔
    اور رات میں اس کا چراغ نہیں بجھتا ہے۔
¹⁹ وہ سوت کاٹتی ہے
    اور اس سے کپڑے بنتی ہے۔
²⁰ وہ ہمیشہ غریبوں کی مدد کرتی ہے
    اور صرف ضرورت مندوں کے لئے اپنے ہاتھوں کو بڑھا تی ہے۔
²¹ جب ٹھنڈی پڑ تی ہے تو وہ اپنے خاندان کے لئے فکر مند نہیں ہو تی ہے۔
    کیوں کہ ہر ایک کے پاس گرم کپڑے ہیں۔
²² وہ چادر بنا تی ہے اور اسے اپنے بستروں پر بچھا تی ہے
    اور عمدہ کتا نی کپڑے پہنتی ہے۔
²³ لوگ اسکے شو ہر کی عزت کرتے ہیں
    اور شہر کے لوگوں میں اسکا مقام ہوتا ہے۔
²⁴ وہ ایک اچھی تاجر عورت ہے
    جو کپڑے اور تسمے بنا کر تاجروں کو فروخت کرتی ہے۔
²⁵ اسے طاقت اور عظمت سے ملبوس کیا گیا ہے۔
    وہ مستقبل کی طرف اعتماد سے دیکھتی ہے۔
²⁶ وہ کہتی ہے تو حکمت کی باتیں ہی کہتی ہے
    وہ دوسروں کو محبت اور مہربانی کرنا سکھا تی ہے۔
²⁷ وہ کبھی بھی کاہلی نہیں کرتی ہے
    اور ہمیشہ اپنے گھر بار کے متعلق دھیان دیتی ہے۔
²⁸ اس کے بچے اٹھ کر اس کو مبارک کہتے ہیں۔
    اور اسکا شوہر بھی اسکی تعریف کر تا ہے۔
²⁹ اس کا شوہر کہتا ہے، “بہت عورتیں ہیں جو عظیم الشان کام کرتی ہیں
    لیکن تو ان سب پر سبقت لے گئی ہے!”
³⁰ کشش دھو کہ باز ہے اور حسن چلی جاتی ہے،
    لیکن عورت جو خدا وند سے خوف کھا تی ہے قابل تعریف ہے۔
³¹ اس کی تعریف کرو جس کا وہ مستحق ہے!
    اور جو کام اس نے کیا ہے اس کے لئے عام لوگوں کے درمیان اس کی تعریف کرو! ^[a]