زبُور 111

Urdu Bible: Easy-to-Read Version

میں راستبازوں کی مجلس میں
    اور جماعت میں اپنے دل و جان سے خدا کا شکر ادا کروں گا۔
² خدا وند ایسا کام کر تا ہے جو تعجب خیز ہو تے ہیں۔
    لوگ ہر اچھی چیز چاہتے ہیں ،وہی جو خدا کی طرف سے آتی ہے۔
³ خدا وند ایسا کام کر تا ہے جو جلالی اور حیرت انگیز ہو تے ہیں۔
    اور اُس کی اچھا ئی ابد تک قائم رہتی ہے۔
⁴ خدا حیرت انگیز کام کر تا ہے ،
    تا کہ ہم یاد رکھیں کہ خدا وند رحیم و کریم ہے۔
⁵ خدا اپنے لوگوں کو خوراک دیتا ہے۔
    خدا اپنے معاہدہ کو ابد تک یاد رکھتا ہے۔
⁶ اس نے دوسری قوموں کی زمین اپنے لوگوں کو دی
    جس سے وہ اپنے کاموں کا زور اُن کو دکھایا۔
⁷ خدا جو کچھ کر تا ہے۔ وہ بہتر اور بر حق ہے۔
    اُس کے تمام اصول بھروسے مند ہیں۔
⁸ خدا کے احکام ابدلآباد قائم رہیں گے۔
    وہ سچّائی اور راستی سے بنائے گئے ہیں۔
⁹ خدا اپنے لوگوں کو بچا تا ہے۔ اُس نے اپنا معاہدہ ہمیشہ کے لئے ٹھہرا یا ہے۔
    اس کا نام مقدّس اور با رُعب ہے۔
¹⁰ خدا کا خوف دانائی کی شروعات ہے۔
    اُس کے مُطا بق عمل کرنے والے دانشمند ہیں۔
    اُس کی ستائش ابد تک قا ئم ہے۔