Add parallel Print Page Options

موسیقی کے ہدایت کار کے لئے داؤد کا نغمہ

21 اے خداوند! تیری طاقت بادشاہ کو خوش کرتی ہے ،
    جب تو اُسے بچا تا ہے تو وہ بہت خوش ہو تا ہے۔
تو نے بادشاہ کی سب آرزوئیں پوری کیں۔
    اے خداوند! بادشاہ نے بہت کچھ مانگا، اور تو نے اُسے سب کچھ دیا جو اُس نے چا ہا۔

اے خدا توُ نے بادشاہ کو عمدہ طریقے سے بر کتیں بخشیں
    اور خالص سو نے کا تاج اُس کے سر پر رکھا۔
اُس نے تجھ سے زندگی چاہی
    اور تو نے ایک طویل زندگی اُ سے دی جو ابدی ہے۔
تو نے نجات دلا ئی تو نے بادشاہ کو عظیم شان وشوکت بخشی۔
    تُو نے اسے حشمت و جلال سے آراستہ کیا۔
اے خدا ، سچ مچ میں تو نے بادشاہ کو ہمیشہ کے لئے خیر وبرکت عطا کیں۔
    جب بادشاہ کو تیرا دیدار ہو تا ہے تو وہ بہت شادماں ہو تا ہے۔
بادشاہ کا توکل خدا پر ہے۔
    پس خدائے تعالیٰ اُسے کبھی ما یوس نہیں کرے گا۔
اے خدا ! تو اپنے سبھی دشمنوں کو دکھا دیگا کہ تو قوّت وا لا ہے۔
    جو کو ئی بھی تجھ سے نفرت کر تے ہیں تیری قوّت اُ نہیں شکست دے گی۔
اے خداوند ! جب تو بادشاہ کے ساتھ ہو تا ہے
    تو وہ اُس جلتے تنور کی مانند ہو جاتا ہے جو سب کچھ جلا کر ر اکھ کر دیتا ہے۔
اُس کا غصّہ دہکتی آ گ کی طرح بھڑکتا ہے
    اور وہ اپنے دشمنوں کو فنا کرتا ہے۔
10 خدا کے دشمنوں کے خاندان نیست و نابود ہو جا ئیں گے۔
    زمین پر سے وہ سب مٹ جائیں گے۔
11 ایسا کیوں ہو گا ؟ کیوں کہ اے خداوند، تیرے خلاف اِن لوگوں نے بدی کی تھی۔
    انہوں نے بُرا کام کر نے کا منصوبہ بنا یا تھا۔ مگر وہ اِس میں کامیاب نہیں ہو ئے۔
12 لیکن خدا توُ نے ایسے لوگوں کو اپنا غلام بنا یا۔
    تُونے انہیں ایک ساتھ ڈور سے باندھ دیا۔
اور رسّیوں کا پھندا اُن کے گلے میں ڈا لا۔
    توُ نے انہیں منہ کے بل غلا موں کی طرح گرایا۔

13 اے خداوند! ہم لوگوں کی حمد تجھے سر فراز کرے۔
    تیری قدرت کے بارے میں ہم ستا ئش کریں گے اور نغمہ چھیڑ ینگے۔