अय्यूब 3

Nepali Bible: Easy-to-Read Version

³ “म जन्मेको जुन दिन थियो त्यो सधैँको लागि लोप होस्
    अनि जुन रात तिनीहरूले मलाई ‘त्यो केटो हो?’
    भने त्यो रात पनि हराओस् भन्ने म कामना गर्छु।
⁴ म त्यो रात अन्धकारै रहोस् भन्ने कामना गर्दछु।
    परमेश्वरले त्यो दिन भुलुन् भन्ने कामना राख्दछु।
    त्यो दिनमा प्रकाश नपरोस् भन्ने कामना गर्दछु।
⁵ म कामना गर्छु कि त्यो दिन मृत्यु झैं अँध्यारो होस्।
बादलले त्यो दिनलाई ढाकिदियोस् भन्ने कामना गर्दछु।
    म कामना गर्छु कालो बादलहरूले म जन्मेको दिनको उज्यालोलाई झसँग पारिदिन सकोस्।
⁶ निष्पट्ट अन्धकारले त्यो रात राखोस्।
    त्यो रातले त्यस बर्षको पञ्चाङ्गमा जग्गा नपाओस्।
    त्यो रात कुनै पनि महीनामा नपारियोस्।
⁷ त्यो रात रित्तो रहोस्।
    कुनै खुशीका होहल्ला त्यो रातमा नसुनियोस्।
⁸ कतिपय जादुवालाहरूले सधैँ लिब्यातनलाई^[a] जगाउनु चेष्टा गरिरहेका छन।
    यसकारण तिनीहरूका श्रापहरू तिनीहरूलाई भन्न देऊ
    अनि म जन्मेको दिनलाई श्रापित पारिदेऊ।
⁹ त्यो प्रातः कालको तारा अन्धकारमा रहोस्।
    त्यो रातले बिहानलाई पर्खिरहेको होस् तर त्यो प्रकाश कहिल्यै नपाओस्।
    यसले सूर्यको प्रथम किरणसम्म नदेखोस्।
¹⁰ किनभने त्यस रातले म जन्मनु मलाई रोकेन।
    त्यो रातले ती दुःख सङ्कटहरू हेर्न मलाई रोकेन।
¹¹ म जन्मदा नै किन मरिन?
    किन म गर्भमा नै तुइनँ?
¹² किन मेरी आमाले मलाई घुँडामाथि राखिन्?
    किन मेरी आमाले मलाई दूध खुवाइन्?
¹³ यदि म जन्मेकै दिन मरेको भए
    म अहिले विश्राममा हुने थिएँ।
म गहन निद्रामा परेको हुन्थें।
¹⁴     आरामसँग ती राजाहरू एवं ज्ञानी पुरूषहरूसँग रहन्थें जो विगतमा यस पृथ्वीमा थिए।
    ती मानिसहरूले आफ्ना लागि ठाउँहरू बनाए ती अहिले ध्वंश र शेष भइसकेको छ।
¹⁵ म ती शासकहरूसँगै दफनाइयोस्
    जसले आफ्ना चिहानहरू सुन र चाँदीहरूले भरेका थिए।
¹⁶ किन म आमाको गर्भमा नै तुइनँ?
    म त्यस्तो बालक हुन चाहन्थें
जसले दिनको उज्यालो नै देख्न पाएन।
¹⁷ दुष्ट मानिसहरू जब चिहानभित्र हुन्छन् तब कुकर्महरू बन्द गर्छन्।
    अनि जो मानिस थकित हुन्छ उसले चिहानमा विश्राम पाउँछ।
¹⁸ कैदीहरूलेसम्म मोक्षा पाउँछन्,
    तिनीहरूले आफ्ना पालेहरूका चित्कारहरू सुन्ने छैनन्।
¹⁹ सबै प्रकारका मानिसहरू चिहानमा छन्, अति महत्वपूर्ण मानिसहरू अनि साधरण मानिसहरू
    अनि दास पनि आफ्नो मालिकबाट मुक्त हुन्छन्।