भजनसंग्रह 31

Nepali Bible: Easy-to-Read Version

¹ हे परमप्रभु, म तपाईंमाथि आश्रित हुन्छु
    मलाई निराश नपार्नुहोस्।
    मप्रति कृपालु हुनुहोस् र मेरो रक्षा गर्नुहोस्।
²     हे परमेश्वर, मप्रति ध्यान दिनुहोस्।
    चाँडै आउँनु होस् अनि मलाई बचाउनु होस्।
मेरो चट्टान हुनुहोस्।
मेरो सुरक्षाको ठाउँ भइदिनु होस्।
    मेरो किल्ला बनिनुहोस् मेरो रक्षा गर्नुहोस्।
³ हे परमेश्वर, तपाईं मेरो रक्षक हुनुहुन्छ अनि तपाईं मेरो किल्ला हुनुहुन्छ।
    यसर्थ, तपाईंको सुरक्षाको निम्ति मेरो अगुवाइ गर्नुहोस् र मलाई निर्देशन गर्नुहोस्।
⁴ मेरा शत्रुहरूले मेरै समक्ष पासो थापे।
मलाई तिनीहरूको पासोबाट बचाउँनु होस्।
    तपाईं मेरो सुरक्षाको स्थान हुनुहुन्छ।
⁵ हे परमप्रभु, तपाईं परमेश्वर हुनुहुन्छ, जसमाथि हामी भरोसा गर्न सक्छौं।
    मैले आफ्नो जीवन तपाईंको हातमा राखिदिएँ,
    मलाई बचाउनु होस्!
⁶ म ती झूटा देवताहरू मान्नेहरूलाई घृणा गर्छु।
    म परमप्रभुमा मात्र भरोसा गर्छु।
⁷ हे परमेश्वर, तपाईंको विश्वासपूर्ण प्रेमको आनन्दमा म खुशी हुनेछु अनि नाँच्नेछु।
    तपाईंले मेरो पीरहरू देख्नु भएको छ।
    मलाई भएका दुःख कष्टहरू तपाईं जान्नुहुन्छ।
⁸ तपाईंले मेरा शत्रुहरूलाई मलाई लिएर जानु दिनु भएन।
    तपाईंले तिनीहरूको पासोबाट मलाई बचाउँनु भयो।
⁹ हे परमप्रभु, मसँग कैयौं दुःख-कष्टहरू छन्,
    यसैले मप्रति कृपा-दृष्टि राख्नुहोस्।
यसैले म यति साह्रो उदास छु मेरा आँखाहरू बिझाउँदैछन्।
    मेरो घोक्रो र भूँडीहरू दुखिरहेकोछ।
¹⁰ मेरो जीवन उदासीनतामा समाप्त भइरहेछ।
    मेरो उमेर नैराश्यमा बितिरहेछ।
मेरा सङ्कटहरूले मेरो शक्ति नाश गर्दै लाँदैछ।
    मेरो शक्तिले मलाई छोड्दै गइरहेछ।
¹¹ मेरा शत्रुहरूले मलाई हेला गर्छन्,
    अनि मेरा सम्पूर्ण छिमेकीहरूले पनि हेला गर्छन्।
सबै मेरा आफन्तहरूले मलाई गल्लीमा देखेका छन्।
    तिनीहरू मसँग डराउँछन् जब गल्लीमा मलाई तिनीहरूले देख्छन्,
    तिनीहरू मलाई नदेखे झैं भान गर्छन्।
¹² मानिसहरूले आफ्नो हराएको औजार जस्तै
    पूर्ण प्रकारले मलाई बिर्सेकाछन्।
¹³ मेरो विषयमा मानिसहरूले भनेका डरलाग्दा कुराहरू म सुन्छु।
    तिनीहरू मेरा विरोधीहरू भए, तिनीहरूले मलाई मार्ने योजना गरे।