Add parallel Print Page Options

मन्दिर क आरोहण गीत।

पूरी जिन्नगी भइ मोर अनेक दुस्मन रहेन ह।
    इस्राएल क घोसना करइ द्या
पूरी जिन्नगी भइ मोर अनेक दुस्मन रहेन ह।
    बहोत सारे दुस्मन मोह पइ हमला किहन।
    मुला उ पचे हमका हराइ नाहीं पाएन।
उ पचे मोका तब तलक पीटेन जब तलक मोरी पिठिया पइ गहिर घाव नाहीं बनेन।
    मोरे बड़का बड़का अउर गहिर घाव होइ गएन।
मुला यहोवा उ किहेस जउन नीक रहा अउर रस्सा काट दिहस।
    उ मोका ओन दुट्ठ लोगन स अजाद किहस।
ओन सबइ क जउन सिय्योन स घिना करत ह हारइ द्या,
    उ पचन क खदेड़इ द्या।
उ सबइ लोग अइसे रहेन, जइसे कउनो घरे क छत पइ क घास
    जउन उगइ स पहिले ही मुरझाइ जात ह।
उ घसिया स कउनो मजदूर आपन मूठी तलक नाहीं भरि पावत
    अउर इ गठरी पुलंदा बनाइ बरे भी प्रयाप्त नाहीं होइ।
अइसे ओन दुट्ठ जनन क लगे स जउन लोग गुजरत हीं।
    उ पचे नाहीं कइहीं, “यहोवा तोहार भला करइ।”
    उ पचे नाहीं कहिहीं, “हम तू पचन्क यहोवा क नाउँ पइ आसीस देत अही।”