भजन संहिता 140

Awadhi Bible: Easy-to-Read Version

⁴ हे यहोवा, तू दुट्ठ लोगन स मोर रच्छा करा।
    क्रूर लोग स मोर रच्छा करा।
    उ सबइ मोर पाछे मोका खाले मँ लोकइ बारे अहइँ।
⁵ ओन घमण्डी लोग मोरे बरे फँदा डाएन।
    मोका फँसावइ क उ पचे जाली फइलाएन ह।
    उ पचे मोर राहे मँ फँदा लगाएन।

⁶ किन्तु मइँ यहोवा क स्वीकार किहेउँ, तू मोर परमेस्सर अहा।
    हे यहोवा, मोर पराथना सुना।
⁷ हे यहोवा मोर सुआमी, तू मोर मज़बूत उद्धारकर्ता अहा।
    तू मोर मूँड़े क टोप जइसा अहा।
    जउन मोर मूँड़ क जुद्ध मँ बचावत ह।
⁸ हे यहोवा, दुट्ठ लोगन क इच्छा क पूरी न होइ द्या।
    ओनकर कउनो जोजना क सफल जिन होइ द्या, वरना उ पचे घमण्डी होइ जाइहीं।

⁹ मोरे दुस्मनन जउन मोका घेरि लिहेस बुरा जोजनन बनावत ह।
    ओनकर बुरा जोजनन ओनही क मुँड़न पइ गिरइ द्या।
¹⁰ ओनके मूँड़े पइ दहकत अंगारन क उड़ेर द्या।
    मोरे दुस्मनन क आगी मँ झोंकि द्या।
    ओनका गड़हन (कब्रन) मँ लोकाइ द्या।
    उ पचे ओहसे कबहुँ बाहेर न निकरि पावइँ।
¹¹ ओन क्रूर बोलइवालन क इ धरती मँ स्थापित जिन होइ द्या।
    उ हिंसक लोगन क संग बुरी बातन बार-बार घटइ द्या।
¹² मइँ जानत हउँ यहोवा कंगालन क निआउ खराइ स करी।
    परमेस्सर असहायन क सहायता करी।
¹³ हे यहोवा, सच्चे लोग तोहरे नाउँ क स्तुति करिहीं।
    इमानदार लोग तोहार समन्वा बास करिहीं।