यहेजकेल 28

Awadhi Bible: Easy-to-Read Version

“‘तू आपन बरे बहोत उच्च सोचत ह
    अउर तू कहत अहा, “मइँ परमेस्सर अहउँ!
मइँ समुद्रर क मध्य मँ
    देवतन क आसन पइ बइठन हउँ।”

“‘तू सम्पूर्णता क आदर्स रह्या।
    तू बुद्धिमानी स परिपूर्ण रह्या, तू पूरी तरह सुन्नर रह्या,
¹³ तू परमेस्सर क बगीचा एदेन मँ रह्या।
तोहरे लगे हर एक बहुमूल्य रतन रहेन जइसे:
    लाल, पुखराज, हीरा,
    फिरोजा, गोमेद, जस्पर
    नीलम, हरितमणि अउ नीलमणि।
अउर इ सबइ हर एक रतन सोने मँ जुड़ा रहेन।
    तोहका इ सुन्नरता प्रदान कीन्ह गइ रही जउने दिन तोहार जनम भवा रहा।
    परमेस्सर तोहका सक्तीसाली बनाएस।
¹⁴ तू चुने भए करूब सरगदूत रह्या।
    तोहार पखना मोरे सिंहासने पइ फइला रहेन
अउर मइँ तोहका परमेस्सर क पवित्तर पर्वत पइ धरेउँ।
    तू ओन रत्नन क बीच चल्या जउन आगी क तरह कौंधत रहेन।
¹⁵ तू नीक अउ ईमानदार रह्या जब मइँ तोहका बनाएउँ।
    किन्तु एकरे पाछे तू बुरे बन गया।
¹⁶ तोहार बइपार तोहरे लगे बहोत सम्पत्ति लिआवत रहा।
    किन्तु उ भी तोहरे भीतर क्रूरपन पइदा किहेस अउर तू पाप किहा।
एह बरे मइँ तोहरे संग अइसा बेउहार किहेउँ माना तू गन्दी चीज ह्वा।
    मइँ तोहका परमेस्सर क पर्वत स लोकाइ दिहेउँ।
तू खास करूब सरगदूतन मँ स एक रह्या,
    तोहार पखना फइला रहेन मोरे सिंहासने पइ
किन्तु मइँ तोहका आगी क तरह कौंधइवाले
    रतनन क तजइ क मजबूर किहेउँ।
¹⁷ तू आपन सुन्नरता क कारण घमण्डी होइ गया,
    तोहार गौरव तोहार बुद्धिमानी क नस्ट किहेउ,
एह बरे मइँ तोहका धरती पइ लिआइ लोकाएउँ,
    अउर अब दूसर राजा तोहका आँखिन फाड़िके लखत हीं।
¹⁸ तू अनेक गलत काम किहा,
तू बहोत कपटी बइपारी रह्या।
    इ तरह तू पवित्तर ठउरन क अपवित्तर किहा,
एह बरे मइँ तोहरे ही भीतर आगी लिआएउँ,
    इ तोहका जराइ दिहस,
तू भुइँया पइ राखी होइ गया।
    अब हर कउनो तोहार लज्जा लखि सकत ह।

“‘सीदोन, मइँ तोहारे खिलाफ हइँ!
    तोहरे लोग मोरे सम्मान करब सिखिहीं,
मइँ तोहार सीदोन क सजा देब,
    तब लोग समुझिहीं कि मइँ यहोवा हउँ।
तब उ पचे समुझिहीं कि
    मइँ पवित्तर हउँ।
²³ मइँ सीदोन मँ रोग अउर मउत पठउब,
    ओकरे नगर मँ मउत उ समइ आइ
जब मइँ ओकरे खिलाफ चारिहुँ कइँती स तरवार लिआउब।
    तब उ पचे समुझिहीं कि मइँ यहोवा अहउँ।