यहेज्केल 19

Marathi Bible: Easy-to-Read Version

² “‘तुझी आई सिंहीणीसारखी आहे.
    ती तरुण सिंहांबरोबर झोपते.
ती तरुण सिंहाबरोबर झोपली
    आणि तिला बरीच पिल्ले झाली.
³ त्यापैकी एक पिल्लू उठते त्याची वाढ होऊन
    तो शक्तिशाली तरुण सिंह झाला आहे.
तो शिकार करायला शिकला आहे.
    त्याने माणसाला मारुन खाल्ले.

⁴ “‘लोकांनी त्याची गर्जना ऐकली,
    आणि त्यांनी त्याला सापळ्यात पकडले
लोकांनी त्या सिंहाला वेसण घालून मिसरला नेले.

⁵ “‘ते छावा नेता होईल असे आई सिंहीणीला वाटले.
    पण आता तिची पूर्ण निराशा झाली आहे.
मग तिने दुसऱ्या छाव्याला
    शिकवून तयार केले.
⁶ तो तरुण सिंहाबरोबर शिकारीला गेला.
    तो, बालवान, तरुण, असा सिंह झाला.
तो स्वतः शिकार करायला शिकला.
    त्याने माणसाला मारुन खाल्ले.
⁷ त्याने राजवाड्यांवर हल्ला केला, व शहरांचा नाश केला.
    त्या सिंहाची गर्जना ऐकताच, त्या देशातील प्रत्येक माणूस बोलायलासुध्दा घाबरत असे.
⁸ मग त्याच्या आजूबाजूला राहणाऱ्या लोकांनी त्याच्यासाठी सापळा लावला,
    आणि त्यांनी त्याला पकडले.
⁹ त्यांनी त्याला वेसण घालून पिंजऱ्यात कोंडले.
त्यांनी त्या सिंहाला सापळ्यात अडकविले.
    मग त्यांनी त्याला बाबेलच्या राजाकडे नेले.
आता, इस्राएलच्या डोंगरातून
    त्याची गर्जना तुम्हाला ऐकू येऊ शकत नाही.

¹⁰ “‘पाण्याकाठी लावलेल्या
    द्राक्षवेलीसारखी तुझी आई होती.
तिला भरपूर पाणी मिळाल्यामुळे
    खूप ताणे फुटले.
¹¹ मग तिच्या फांद्या खूप वाढल्या.
    त्या हातातील काठ्यांप्रमाणे
    व राजदंडाप्रमाणे झाल्या.
¹² तो वेल उंचच उंच वाढली.
    तिला खूप फांद्या फुटून ती ढगांपर्यंत पोहोचली.

¹³ “‘पण त्या वेलीला मुळापासून उपटून फेकून देण्यात आले.
    पूर्वेकडील उष्ण वाऱ्यांमुळे तिची फळे वाळली.
    मजबूत फांद्या मोडल्या, आणि त्या फांद्या आगीत टाकल्या गेल्या.
¹⁴ आता ती द्राक्षवेल, रुक्ष व निर्जल वाळवंटी प्रदेशात लावली आहे.
    सर्वांत मोठ्या फांदीला लागलेली आग पसरली.
त्या आगीने सर्व डहाळ्यांचा व फळाचा नाश केला.
    आता हातात धरण्याची काठी व राजदंड उरला नाही.’