Add parallel Print Page Options

इस्राएल क जरिये राजा लोग हरावा गएन

12 इस्राएल क लोग यरदन नदी क पूरब क भुइँया पइ कब्जा कइ लिहन। ओनकइ अधिकार मँ अब अर्नोन क संकरी घाटी स हेर्मोन पहाड़े तलक क भुइँया अउ यरदन घाटी क पूरब क सारा प्रदेस रहा। इ देस क लेइ बरे इस्राएल क लोग जउन राजा लोग क हराएन ओनकइ इ सूची अहइ:

हेसबोन सहर मँ बसइयन एमोरी लोगन क राजा सीहोन अर्नोन क सँकरी घाटी पइ अरोएर स लइके यब्बोक नदी तलक क प्रदेस पइ सासन करत रहा। ओकर प्रदेस उ दर्रा क बीच स सुरु होत रहा। अम्मोनी लोगन क संग इ ओनकर चउहद्दी रही। सीहोन गिलाद क आधा प्रदेस पइ हुकूमत करत रहा। उ गिलगाल स मृत सागर (खारा सागर) तलक यरदन क पूरब क प्रदेस पइ भी सासन करत रहा अउ बेत्यसीमोत स दक्खिन पिसगा क पहाड़ियन तलक सासन करत रहा।

बासान क राजा ओग रपाई लोगन संतान रहा। ओग असतारेात अउ एद्रेई मँ सासन करत रहा। ओग हेर्मोन पहाड़, सलका सहर, अउ बासान क समूचइ छेत्र पइ सासन करत रहा। ओकरे प्रदेस क चउहद्दी हुआँ तलक जात रही जहाँ गसूर अउ माका लोग रहत रहेन। ओग गिलाद क आधा भाग पइ सासन करत रहा। इ प्रदेस क सीमा क आखीर हेसबोन क राजा सीहोन क प्रदेस पइ होत रहा।

यहोवा क सेवक मूसा अउ इस्राएल क लोग इ सबहिं राजा लोगन क हराएन अउ मूसा उ प्रदेस क रूबेन क परिवार समूह, गाद क परिवार समूह अउ मनस्से क परिवार समूह क आधा लोगन क दिहस। मूसा इ प्रदेस ओनका आपन कब्जा मँ रखइ बरे दिहस।

इस्राएल क लोग उ प्रदेस क राजा लोगन क भी हराएन, जउन यरदन नदी क पच्छिम मँ रहा। यहोसू लोगन क इ प्रदेस मँ लइ गवा। यहोसू लोगन क इ पहँटा दिहस अउर एका साढ़े नौ परिवार समूहन मँ बाटेस। इ उ देस रहा जेका ओनका देइ बरे यहोवा वचन दिहे रहा। इ प्रदेस लबानोन क घाटी मँ बालगात अउ सेईर क निअरे हालाक पहाड़े क बीच रहा। एहमाँ पहाड़ी देस, पच्छिम क तराई क प्रदेस, यरदन घाटी, पूर्बी पहा़डियन, रेगिस्तन अउ नेगेव सामिल रहेन। इ उ प्रदेस रहा जेहमाँ हित्ती, एमोरी, परिज्जी, कनानी, अब्बी अउर यबूसी लोग रहत रहेन। जउन लोगन क इस्राएल क लोग हराएन ओनकर सूची इ बाटइ:

यरीहो क राजा

ऐ क राजा बेतेल क निअरे

10 यरूसलेम क राजा

हेब्रोन क राजा

11 यर्मूत क राजा

लाकीस क राजा

12 एग्लोन क राजा

गेजेर क राजा

13 दबीर क राजा

गेदेर क राजा

14 होर्मा क राजा

अराद क राजा

15 लिब्ना क राजा

अदुल्लाम क राजा

16 मक्केदा क राजा

बेतेल क राजा

17 तप्पूह क राजा

हेपेर क राजा

18 अपेक क राजा

लरसारोन क राजा

19 मादोन क राजा

हासोर क राजा

20 सिम्रोन मरोन क राजा

अच्छाप क राजा

21 तानाक क राजा

मगिद्दो क राजा

22 केदेस क राजा

कर्मेल मँ योकनाम क राजा

23 दोर क पर्वत मँ दोर क राजा

गिलगाल मँ गोयीम क राजा

24 तिर्सा क राजा

सब मिलाइके राजा लोगन क संख्याँ रहेन 31