यिर्मयाह 4

Awadhi Bible: Easy-to-Read Version

4 यहोवा कहत ह,
“इस्राएल, जदि तू लउटि आवा चाहत ह
    तउ तू मोरे लगे जरूर लउटि आवा।
जदि तू आपन देवमूरतियन क लोकावा
    अउर भटकना बन्द करा,
² जदि तू मोरे नाउ पइ सच्चाइ स,
    निआब स अउर ईमानदारी स इ कहत भए प्रतिग्या करब्या,
    ‘यहोवा क जिन्नगी क किरया,’
तउ रास्ट्र यहोवा क जरिये बरदान पाइहीं
    अउर उ पचे यहोवा क गर्व स बखान करिहीं।”

“उहइ खेत मँ हर चलावा जेका
    जोतइ स तू नकार दिहे रहा
    काँटा क बीच मँ बिया छिरकान बन्द करा!
⁴ इ दिखावइ बरे कि तू यहोवा क अहइ खतना करइ लिहा।
    मोर अर्थ इ अहइ कि आपन आप क पूरी तरह स मोर बरे अर्पित कइ द्या!
अउर आपन दिल स खिलरी हटा द्या।
    जदि तू इ नाहीं करा तउ मइँ बहोतइ कोहान होबउँ।
मोर किरोध आगी क नाई फइली
    अउर मोर किरोध तू पचन्क बारि देइ
अउर कउनो मनई उ आगी क बुझाइ नाहीं पाइ।
    इ काहे होइ? काहेकि तू पचे बुरे करम किहे अहा।”

यरूसलेम सहर क हर मनई स कहा,
    ‘सारे देस मँ तुरही बजावा।’
जोर स नरियाअ अउर कहा,
    ‘एक संग आवा,
    हम सबहिं रच्छा बरे मजबूत सहरन क भाग निकरी।’
⁶ सिय्योन का सूचक झंडा क उठावा,
    कउनो जगह एक ठू सुरच्छा क जगह खोजा, प्रतीच्छा जिन करा।
इ एह बरे करा कि मइँ उत्तर स बिध्वंस लिआवत हउँ।
    मइँ भयंकर बिनास लिआवत हउँ।”
⁷ एक ठु सेर अपनी गुफा स निकरा ह,
    रास्ट्रन क बिध्वंसक तेज कदम बढ़ाउब सुरू कइ चुका अहइ।
उ तोहरे पचन्क देसन क बरबाद करइ आपन घर तजि चुका अहइ।
    तोहरे पचन्क सहर तहस नहस होइहीं।
    ओनमाँ रहइवाला कउनो मनई नाहीं बची।
⁸ एह बरे टाट क ओढ़ना पहिरा, रोवा,
    काहेकि यहोवा हम पइ बहोत कोहान अहइ।
⁹ इ सँदेसा यहोवा क अहइ,
    “अइसे समइ इ होत ह।
राजा अउर प्रमुख हिम्मत हार जइहीं,
    याजक डेरइहीं, नबियन क दिल दहली।”

¹¹ उ समइ एक सँदेसा यहूदा
    अउ यरूसलेम क लोगन क दीन्ह जाइ:
“नंगी पहाड़ियन क चोटी स गरम आँधी चलाति अहइ।
    इ रेगिस्ताने स मोर लोगन कइँती आवति अहइ।
इ उ मन्द हवा नाहीं जेकर उपयोग
    किसान भूसा स अनाज निकारइ बरे करत हीं।
¹² इ ओहसे जियादा तेज हवा अहइ
    अउर मोहसे आवति अहइ।
अब मइँ यहूदा क लोगन क खिलाफ
    आपन निआउ क घोसणा करब।”
¹³ लखा। दुस्मन बादर क नाई उठत अहइ,
    ओकर रथ चववात क तरह अहइ।
    ओकर घोड़ा उकाब स तेज अहइँ।
इ हम सब बरे बुरा होइ,
    हम बरबाद होइ जाब।

¹⁹ आह, मोर दुःख अउ मोर परेसानी मोरे पेट मँ दर्द करत अहइँ।
    मोर हिरदय धड़कत अहइ।
हाय, मइँ एतना डेरान अहउँ।
    मोर हिरदय मोरे भीतर तड़पत अहइ।
मइँ चुप नाहीं बइठ सकत।
    काहेकि मइँ तुरही क बजाउब सुनेउँ ह।
    तुरही सेना क जुद्ध करइ बोलावति अहइ।
²⁰ ध्वंस क पाछे बिध्वंस आवत ह।
    पूरा देस नस्ट होइ ग अहइ।
अचानक मोर डेरन बरबाद कइ दीन्ह ग अहइँ,
    मोर परदन फाड़ दीन्ह ग अहइँ।
²¹ हे यहोवा मइँ कब तलक जुद्ध पताकन क लखब?
    जुद्ध क तुरही क केतने समइ सुनब?

²³ मइँ धरती क लखेउँ।
    धरती खाली रही, एह पइ कछू नाहीं रहा।
मइँ गगन क लखेउँ,
    अउर एकर प्रकास चला गवा रहा।
²⁴ मइँ पर्वतन पइ नजर डाएउँ,
    अउर उ पचे काँपत रहेन।
    सबहिं पहाड़ियन लड़खड़ात रहिन।
²⁵ मइँ धियान स लखेउँ किन्तु कउनो मनई नाहीं रहा,
    अकासे क सबहिं पंछी उड़ गवा रहेन।
²⁶ मइँ लखेउँ कि सुहावना प्रदेस रेगिस्तान बन गवा रहा।
    उ देस क सबहिं नगर नस्ट कइ दीन्ह ग रहेन।
    यहोवा इ कराएस।
    यहोवा अउर ओकर प्रचण्ड किरोध इ कराएस।