श्रेष्ठगीत 2

Nepali Bible: Easy-to-Read Version

² हेर, प्रेमी अन्य स्त्रीहरूको माझ तिमी
    काँढाहरू माझमा फूलेकी लिली फूल झैं छौ।

³ हे मेरा प्रिय अन्य पुरूषहरूको बीच तपाईं जङ्गलको,
    अन्य धेरै रूखहरू बीच स्याऊको बोट झैं हुनुहुन्छ।

म त्यो बोट मुनि बसेर आनन्द लिन चाँहन्छु,
    अनि त्यसको फल अति स्वदिष्ट लाग्छ।
⁴ मेरा प्रियले मलाई मधु शालाम ल्याउनु भयो
    र उहाँले म माथि राख्नु भएको संकेत उहाँको प्रेम हो।
⁵ म प्रेम रोगी हुँ यसर्थ मलाई किसमिस,
    र स्याऊहरू खुवाएर सजीव बनाउनु होस्।
⁶ उहाँको देब्रे पाखुरा मेरो टाउको मुनी छ
    अनि दाइने हातले मलाई अँगालेको छ।

⁸ मेरो प्रेमीकाको स्वर सुन, लौ हेर!
    उहाँ आउँनु हुँदैंछ, पहाडहरूमा उफ्रँदै
    अनि डाँडाहरूमा दगुर्दै।
⁹ मेरा प्रेमी एउटा लघुमृग
    अथवा जवान मृग झैं हुनुहुन्छ।
हेर, उहाँ हाम्रो पर्खाल पछाडी उभिनु भएको छ,
    झ्यालबाट हेरिरहनु भएकोछ,
    आँखी झ्यालबाट चियाइरहनु भएकोछ।
¹⁰ मेरा प्रेमीले भन्नु भयो,
“हे सुन्दरी, मेरी प्यारी उठ,
    कतै टाडा जाऊँ।
¹¹ हेर! हिउँद बित्यो,
    बर्षा काल पनि गई सक्यो।
¹² भूमिमा फूलहरू फूलिरहेकाछन्,
    चराहरूले गाउने समय आइसकेको छ।
    पृथ्वीमा ढुकुरहरू कुर्लिन थालिसके।
¹³ नेभाराका चिचिलाहरू लाग्न थाल्यो,
    दाखका फूलहरूबाट वासना फैलिन थाल्यो।
मेरी प्रियतमा उठ,
    हे मेरी सुन्दरी हिँड कतै टाढा जाऊँ।”

¹⁴ अग्लो चट्टानको गुफाहरूमा
    र पहाडहरू माथि लुक्ने मेरो ढुकुर,
मलाई तिम्रो दर्शन देऊ,
    मैले तिम्रो स्वर सुन्नु पाउँ।
कारण तिम्रो स्वर अत्यन्तै प्रिय लाग्छ,
    अनि तिमी अत्यन्तै सुन्दरी छौ।

¹⁵ हाम्रा निम्ति स्यालहरूलाई समातिदेऊ,
    किनभने ती साना स्यालहरूले
हाम्रो दाखबारी नष्ट गरिदिन्छन्
    जो पूर्णरूपले फूलेकोछ।