स्तोत्रसंहिता 48

Marathi Bible: Easy-to-Read Version

48 परमेश्वर थोर आहे आपल्या देवाच्या शहरात,
    त्याच्या पवित्र पर्वतावर लोक त्याची स्तुति करतात.
² देवाचे पवित्र शहर सुंदर आहे.
    त्याचे सौंदर्य सर्व पृथ्वीवर आनंद आणते
सियोन पर्वत सगळ्यात उंच आणि पवित्र पर्वत आहे.
    हे त्या महान राजाचे शहर आहे.
³ इथे त्या शहराच्या राजवाड्यांत
    देवाला किल्ला म्हणतात.
⁴ एकदा काही राजे भेटले.
    त्यांनी या शहरावर हल्ला करायची योजना आखली
ते सगळे चालून आले.
⁵     त्यांनी पाहिले आणि ते विस्मित झाले.
    ते घाबरले आणि पळत सुटले.
⁶ भयाने त्यांना घेरले,
    भीतीने त्यांचा थरकाप झाला.
⁷ देवा, तू पूर्वेकडच्या जोरदार वाऱ्याचा उपयोग केलास
    आणि त्यांची मोठी जहाजे मोडलीस.
⁸ होय, आम्ही ती गोष्ट ऐकली पण आम्ही ते सर्वशक्तिमान परमेश्वराच्या शहरात,
    आमच्या देवाच्या शहरात घडत असलेले पाहिले.
देव ते शहर सदैव सामर्थ्यवान बनवतो.