होसे 6

Awadhi Bible: Easy-to-Read Version

6 “आवा, हम यहोवा कइँती लउटि आइ।
    जदपि उ हमका टुका मँ चीड़ दिहेस ह, किन्तु उ हमका चंगा करी।
    जिस तरह उ हमका चोट किहेस, उहइ तरह उ हमार घावन पइ मरहम भी लगाई।
² दुइ दिना मँ उ हमार जिन्नगी वापिस देइ सकत ह।
    तीसरे दिन उ हमका आपन गोड़ मँ खड़ा करी,
    तउ हम ओकर मोजूदगी मँ रहब।
³ आवा, ओका परमेस्सर क रूप मँ स्वीकार करा;
    आवा, उ सबइ करी जेसे हम यहोवा स्वीकार कइ सकत हीं।
ओकर आवइ ओतॅना ही निहचइ ह जेतॅना कि भोर क आवइ।
    ओकर आवइ ओतना ही निहचय अहा जेतॅना क जाड़ा क बोछार।
अवस्य ही उ वइसे ही आई जइसे कि
    बसंत क बर्खा आवति अहइ जउन धरती क सींच देत ह।”

⁴ “हे एप्रैम, तोहार संग मोका का करइ चाही?
    हे यहूदा, तोहरे संग मोका का करइ चाही?
तोहार पिरेम ऍतना तेजी स गुजर गएन जइसा भिंसारे क कोहरा
    अउर भिंसारे क ओस तेजी स खत्म होइ जात ह।
⁵ मइँ नबियन क प्रयोग किहेउँ
    अउर मनइयन बरे नेम बनाइ दिहेउँ।
मोरे आदेस पइ मनइयन क कतल कीन्ह गवा
    मुला इ सबइ फइसलन स भली बातन पइदा होइहीं।
⁶ मोका विस्सासी पिरेम खुस करइ सकत ह,
    बलियन नाहीं
जब लोग मोका परमेस्सर क रूप मँ जानत ह
    तउ इ मोका होमबलि स जियादा आनन्दित करत ह।
⁷ उ जगह पइ जउन आदम कहलावत अहइ उ पचे करार तोड़ दिहस।
    उ भुइँया मँ उ पचे मोरे बरे अबिस्सासी रहेन।
⁸ गिलाद ओन लोगन क नगरी अहइ जउन पाप किया करत हीं।
    हुआँ क लोग चालबाज अहइँ अउर उ पचे अउरन क हत्या करत हीं।
⁹ याजक लोग भयानक अपराध किहेन।
    डाकूअन क दल जइसा कउने पइ हमला करइ बरे घात मँ छुपा रहत हीं।
लटेरन क जइसा उ पचे
    सकेम लोगन क राहे पइ हत्या किहेन।
¹⁰ मइँ इस्राएल क मन्दिर मँ घृणित बात क लखेउँ ह।
उहइ जगह पइ एप्रैम रण्डीबाजी किहेन
    अउर इस्राएल आपन क अपवित्तर किहेस।
¹¹ हे यहूदा, तोहार बरे भी फइसला क
    एक दिन तय कीन्ह ग अहइ।