Font Size
Fo Da Rome Peopo 8
Hawai‘i Pidgin
Fo Da Rome Peopo 8
Hawai‘i Pidgin
You Can Live Fo Real Kine If You Stay Tight Wit Godʼs Spirit
8 So den, God no goin punish da peopo dat stay tight wit Jesus Christ! 2 Cuz get two tings dat stay fo real: First ting, if you stick wit Godʼs Spirit, he goin make you come alive fo real kine an make you stay tight wit Jesus Christ. Da odda ting is dat if you stick wit da bad kine stuff, you goin cut yoaself off from God. Now, if you get Godʼs Spirit, Godʼs Spirit cut you loose from da bad kine stuff.
3 Even if we do wat da Rules from God say, dat no can throw out da bad kine stuff inside us, cuz da way us guys stay, we not strong inside. But den God, he wen go send his own Boy fo come one guy jalike us. Da way Jesus wen stay, God wen make him look jalike one regula guy dat can do bad kine stuff, jalike all da odda peopo. But den, Jesus neva do bad kine stuff -- how he wen live, he wen show proof dat da tings da peopo was doing was bad fo shua. Plus, he wen come one sacrifice fo hemo da shame fo da bad kine stuff dat all da odda peopo wen do. 4 God wen send Christ fo mahke so us guys can do all da right kine stuffs Godʼs Rules say we gotta do. Now, we stay doing da kine stuff Godʼs Spirit like us do, not da kine stuff we do wen we live da way we like.
5 Da peopo dat live da way dey like, dey live lidat cuz dass how dey stay inside, an dass da ony kine stuff dey tinking bout all da time. But da peopo dat live da way Godʼs Spirit like, dey ony tinking bout da kine stuff dat Godʼs Spirit like. 6 Da guy dat ony like tink bout doing da bad kine stuff he like do, jalike he stay mahke inside awready. But da guy dat ony like tink bout doing wat Godʼs Spirit like, he stay alive fo real kine, an his heart stay rest inside.
7 An if you ony like tink bout doing da kine stuff you do wen you live da way you like, cuz dass how you stay inside, you ony going agains God everytime, you know. Dat mean, you not doing wat Godʼs Rules say -- cuz you no mo da power fo do um. 8 Da peopo dat ony stay doing da bad kine stuff dey like do, no way God goin like wat dey doing.
9 But you guys, you guys da one dat no stay doing da bad kine stuff you do wen you live da way you like. If Godʼs Spirit stay live inside you, you guys stay doing da kine stuff Godʼs Spirit like. Whoeva no mo Christʼs Spirit inside him, dass da guy dat not Godʼs guy. 10 But Christ stay tight wit you guys. You guys spirits stay alive fo real kine, cuz you guys get um right wit God. So, no matta you guys goin mahke cuz you guys wen do bad kine stuff. 11 God da One dat wen make Jesus come back alive afta he wen mahke. If Godʼs Spirit stay tight wit you guys, den he goin make you guys come back alive, yoa body, everyting, jalike how he wen make Christ come back alive. His Spirit goin do dat fo you guys, no matta yoa body gotta mahke.
Godʼs Spirit Tell Us We Godʼs Kids
12 So den, bruddas an sistas, we gotta do someting. But we no need do notting fo da bad kine stuff inside us, da way our bodies like make us do. 13 If you guys go ack jus da way you stay inside, fo shua kine you goin cut yoaself off from God! But den, if you let Godʼs Spirit help you kill off all da bad kine stuff you do wen you live da way you like, den you goin live fo real kine.
14 Da peopo dat listen to Godʼs Spirit so he can tell um wat fo do, dem guys Godʼs kids. 15 Wen you guys get Godʼs Spirit in charge a you, Godʼs Spirit no goin make you guys ack jalike slaves dat gotta stay scared all da time. Az how was befo time. Wen you get Godʼs Spirit in charge a you, you know you stay Godʼs kids! Dass why he goin listen wen we yell out, “Daddy!”
16 Jalike our own spirit tell us inside, Godʼs Spirit tell us we Godʼs kids. 17 Cuz us guys Godʼs kids, dat mean, we goin get all da good kine stuff God goin give his kids, cuz he our Fadda. Jalike da Fadda give everyting he get to Christ, his Boy, an dass how he goin make to us guys, same time he give um to Christ. Ony one ting: us guys gotta suffa jalike Christ wen suffa, so den bumbye, God make us come awesome jalike he wen make Christ come awesome.
Bumbye God Goin Make Us Come Awesome
18 You know, I figga dat da stuff we stay suffa right now, az notting! Cuz da awesome stuff God goin show us bumbye, dat goin be unreals! 19 All da tings dat God wen make, jalike dey ony stay watching real hard, cuz dey waiting fo see wen God goin show everybody he proud who his kids stay. 20 All da tings God wen make, he wen figga, first, everyting gotta come all hamajangs an stay lidat. Not suppose to be lidat, an God know fo shua dat bumbye he goin make all dat stuff come okay one mo time. 21 Right now, all da tings dat God wen make, dey stay stuck hamajang kine, an stay coming all pilau kine. But bumbye, God goin do awesome tings fo get um outa dat, so dey can come jalike suppose to be. Same time, God goin do awesome tings fo get all his kids outa da pilau kine stuff too.
22 Us guys know, from befo time till now, all da tings God wen make stay making noise jalike dey get big pain, jalike wen one wahine goin born one baby an she stay suffa plenny. 23 Eh, us guys too, no matta we get da Spirit in charge a us dat God wen give us first ting, jalike we still yet make big noise inside us lidat too. We make lidat cuz we still yet waiting an watching real hard fo da time wen God goin make us his kids to da max, an goin hemo loose our bodies from all da pilau kine stuff.
24 Wen God wen take us outa da bad kine stuff, he wen make us know fo shua wat he goin do bumbye. But still yet, we gotta wait. If we see someting happen, den we no goin wait fo dat same ting fo happen. Nobody goin stay wait fo someting dat wen pau happen awready. 25 But wen we stay waiting fo someting we no can see still yet, den we still goin hang in dea an wait some moa.
26 Same ting, Godʼs Spirit help us plenny, cuz we no mo power. We donno how fo pray da right way. But Godʼs Spirit, he go take ova an aks God fo do good tings fo us, no matta we jalike get big pain inside dat make us so we donno how fo say um. 27 An God, he know all da tings dat us guys like say inside our heart, an he know how his Spirit tink. Dass how God know everyting his Spirit like say fo help us, cuz Godʼs Spirit tink jalike God tink, an da Spirit talk to God an aks him fo help da peopo dat stay spesho fo God.
28 Us guys know dis too: God make everyting come out all good fo da peopo dat get love an aloha fo him. Befo time, God wen go make plan wat he goin do fo dem, an he wen tell um awready, “Come wit me! Be my guys!” 29 Befo time, he wen pick dose peopo awready, cuz he like make um come da kine peopo jalike his Boy. Godʼs Boy, dass Christ. He da main one, an da odda guys, dey jalike his younga bruddas an sistas. 30 Dat same peopo God wen pick befo time lidat, he wen tell um fo come be his guys. An dose same guys, God wen make um get um right wit him, an he wen make um come awesome jalike him.
God Get Love An Aloha Fo Us Guys
31 So den, wat we goin say bout all dat? God stay fo us guys to da max. Cuz God stay lidat, who going agains us? No mo nobody! 32 God neva even hold back his own Boy. He wen make um one sacrifice fo help all us guys. God wen give his own Boy fo mahke fo us. You know, dat mean God no hold back notting. He give us every good ting to da max!
33 An den, who goin poin finga da peopo God wen pick? No mo nobody fo do dat! Cuz God, he da One dat say dat his peopo get um right wit him awready. 34 Eh! No mo nobody dat can say God gotta punish all da peopo he wen pick. Jesus Christ, he da One dat wen go mahke. An mo importan den dat, he da One dat God wen make um come back alive afta he wen mahke. From dat time, he stay da mos importan place, by Godʼs right side. Same time, Jesus da One dat stay aksing God fo help us guys!
35 You tink get somebody o someting dat goin make Christ no get love an aloha fo us guys? No way! You tink presha, hard time, o wen get somebody dat like hurt us, o wen no mo notting fo eat, o no mo clotheses, o wen we scared, o wen we get peopo dat like kill us? Not even! 36 Jalike da Bible wen say,
“Cuz we yoa peopo,
Everytime dey try kill us.
Dey tink we jalike sheeps dey goin kill.”
37 Cuz Christ get love an aloha fo us guys to da max, no matta wat kine trouble get, no bodda us, cuz we da winnas fo shua!
38 I shua bout dis: No mo notting can make God stop loving us guys. No matta if we stay alive o we mahke, no matta if get angel guys o leada guys in da sky, o if get spirits wit power dat go agains us, no matta wateva stay happen now o goin happen bumbye, 39 no matta get guys wit power up dea inside da sky, o down dea inside da groun, no matta get all kine odda kine tings dat God wen make -- no mo notting dat can hemo us from God, so he no love us no moa! Cuz us guys stay tight wit Jesus Christ, da Spesho Guy God Wen Send, an he our Boss.
Romans 8
New International Version
Romans 8
New International Version
Life Through the Spirit
8 Therefore, there is now no condemnation(A) for those who are in Christ Jesus,(B) 2 because through Christ Jesus(C) the law of the Spirit who gives life(D) has set you[a] free(E) from the law of sin(F) and death. 3 For what the law was powerless(G) to do because it was weakened by the flesh,[b](H) God did by sending his own Son in the likeness of sinful flesh(I) to be a sin offering.[c](J) And so he condemned sin in the flesh, 4 in order that the righteous requirement(K) of the law might be fully met in us, who do not live according to the flesh but according to the Spirit.(L)
5 Those who live according to the flesh have their minds set on what the flesh desires;(M) but those who live in accordance with the Spirit have their minds set on what the Spirit desires.(N) 6 The mind governed by the flesh is death,(O) but the mind governed by the Spirit is life(P) and peace. 7 The mind governed by the flesh is hostile to God;(Q) it does not submit to God’s law, nor can it do so. 8 Those who are in the realm of the flesh(R) cannot please God.
9 You, however, are not in the realm of the flesh(S) but are in the realm of the Spirit, if indeed the Spirit of God lives in you.(T) And if anyone does not have the Spirit of Christ,(U) they do not belong to Christ. 10 But if Christ is in you,(V) then even though your body is subject to death because of sin, the Spirit gives life[d] because of righteousness. 11 And if the Spirit of him who raised Jesus from the dead(W) is living in you, he who raised Christ from the dead will also give life to your mortal bodies(X) because of[e] his Spirit who lives in you.
12 Therefore, brothers and sisters, we have an obligation—but it is not to the flesh, to live according to it.(Y) 13 For if you live according to the flesh, you will die;(Z) but if by the Spirit you put to death the misdeeds of the body,(AA) you will live.(AB)
14 For those who are led by the Spirit of God(AC) are the children of God.(AD) 15 The Spirit(AE) you received does not make you slaves, so that you live in fear again;(AF) rather, the Spirit you received brought about your adoption to sonship.[f] And by him we cry, “Abba,[g] Father.”(AG) 16 The Spirit himself testifies with our spirit(AH) that we are God’s children.(AI) 17 Now if we are children, then we are heirs(AJ)—heirs of God and co-heirs with Christ, if indeed we share in his sufferings(AK) in order that we may also share in his glory.(AL)
Present Suffering and Future Glory
18 I consider that our present sufferings are not worth comparing with the glory that will be revealed in us.(AM) 19 For the creation waits in eager expectation for the children of God(AN) to be revealed. 20 For the creation was subjected to frustration, not by its own choice, but by the will of the one who subjected it,(AO) in hope 21 that[h] the creation itself will be liberated from its bondage to decay(AP) and brought into the freedom and glory of the children of God.(AQ)
22 We know that the whole creation has been groaning(AR) as in the pains of childbirth right up to the present time. 23 Not only so, but we ourselves, who have the firstfruits of the Spirit,(AS) groan(AT) inwardly as we wait eagerly(AU) for our adoption to sonship, the redemption of our bodies.(AV) 24 For in this hope we were saved.(AW) But hope that is seen is no hope at all.(AX) Who hopes for what they already have? 25 But if we hope for what we do not yet have, we wait for it patiently.(AY)
26 In the same way, the Spirit helps us in our weakness. We do not know what we ought to pray for, but the Spirit(AZ) himself intercedes for us(BA) through wordless groans. 27 And he who searches our hearts(BB) knows the mind of the Spirit, because the Spirit intercedes(BC) for God’s people in accordance with the will of God.
28 And we know that in all things God works for the good(BD) of those who love him, who[i] have been called(BE) according to his purpose.(BF) 29 For those God foreknew(BG) he also predestined(BH) to be conformed to the image of his Son,(BI) that he might be the firstborn(BJ) among many brothers and sisters. 30 And those he predestined,(BK) he also called;(BL) those he called, he also justified;(BM) those he justified, he also glorified.(BN)
More Than Conquerors
31 What, then, shall we say in response to these things?(BO) If God is for us,(BP) who can be against us?(BQ) 32 He who did not spare his own Son,(BR) but gave him up for us all—how will he not also, along with him, graciously give us all things? 33 Who will bring any charge(BS) against those whom God has chosen? It is God who justifies. 34 Who then is the one who condemns?(BT) No one. Christ Jesus who died(BU)—more than that, who was raised to life(BV)—is at the right hand of God(BW) and is also interceding for us.(BX) 35 Who shall separate us from the love of Christ?(BY) Shall trouble or hardship or persecution or famine or nakedness or danger or sword?(BZ) 36 As it is written:
37 No, in all these things we are more than conquerors(CB) through him who loved us.(CC) 38 For I am convinced that neither death nor life, neither angels nor demons,[k] neither the present nor the future,(CD) nor any powers,(CE) 39 neither height nor depth, nor anything else in all creation, will be able to separate us from the love of God(CF) that is in Christ Jesus our Lord.(CG)
Footnotes
- Romans 8:2 The Greek is singular; some manuscripts me
- Romans 8:3 In contexts like this, the Greek word for flesh (sarx) refers to the sinful state of human beings, often presented as a power in opposition to the Spirit; also in verses 4-13.
- Romans 8:3 Or flesh, for sin
- Romans 8:10 Or you, your body is dead because of sin, yet your spirit is alive
- Romans 8:11 Some manuscripts bodies through
- Romans 8:15 The Greek word for adoption to sonship is a term referring to the full legal standing of an adopted male heir in Roman culture; also in verse 23.
- Romans 8:15 Aramaic for father
- Romans 8:21 Or subjected it in hope. 21 For
- Romans 8:28 Or that all things work together for good to those who love God, who; or that in all things God works together with those who love him to bring about what is good—with those who
- Romans 8:36 Psalm 44:22
- Romans 8:38 Or nor heavenly rulers
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.