Lukas 14

Ne Bibliaj Tik Nawat

—Welit titapajtiat tik ne sewilis ush inte?

—Ká anmejemet kipia se ikunew ush se wakash wetztuk tik ustut wan inte yawi kalishtia talul tik se tunal ipal sewilis?

⁸ —Kwak ajaka metzilwia ma shiajsi tik se yualu kan munamiktia se, maka shimutali tik ne achtu mutalijka, ika inte tikmati asu kilwijket ma wiki se mas wey que taja, ⁹ wan yawi witz ne walmetznutztuk wan kalnutztuk metzilwia: "Shikmaka ini ma mutali", wan kwakuni tiaw tikpia ne tipan mutalijka wan tiaw tishpinawa. ¹⁰ Mas yek kwak walmetznutzat wan tiajsi, shimutali kan nemit ne tijtipan pal kiane kwak witz ne walmetznutztuk, yawi metzilwia: "Nuiknew, shitejku wan shimutali ka né!". Kwakuni yawit metzitat yek muchi ne sentakwat. ¹¹ Ika ká ne isel muajkukia, yawi mutemultia, wan ká ne isel mutemultia, yawi muajkukia.

—Kwak tikchiwa se wey yualu, maka shalinnutza ne mukunpawan nian ne mukniwan nian ne mumiakwan nian ne muchantakawan ne kipiat wey tumin, ká nusan welit walmetznutzat ka inchan pal metztashtawiat; ¹³ mas yek kwak tikchiwa se yualu shalinnutza ne munekit, ne pijpilishnaj, ne metzkelumet, ne pupuyumet... ¹⁴ wan yawi yek mupal ika inte welit metztashtawiat, ika asu ijkiuni yawit metztashtawiat kwak muketzat ne yejyek.

—Suertej kipia ne takwas tik ne itatekimakalis ne Teut!

—Se takat kichijki se wey yualu wan kalnutzki miak, ¹⁷ wan kwak ajsik ne horaj, kituktij ne itekitini ma kinhilwi muchi ne kalinnutztuk:

    "Shiwikan!"

¹⁸ Wan sejse wan sejseuk muchi pejket inat ka kichiwat sentir pero inte welit ajsit. Ne se kilwij:

    "Nikujtuk se tal wan nimuneki niaw nikita, inte niweli niwitz."

¹⁹ Wan seuk inak:

    "Nikujtuk makwil parejaj turuj wan niaw nikinhejekua, inte niweli."

²⁰ Wan ukseuk inak:

    "Nitami nimunamiktia, yajika inte niweli."

²¹ Wan ne tekitini mukwepki ichan wan kilwij ne itajtzin. Kwakuni ne kaltekuyu kwalanik sujsul wan kilwij ne itekitini:

    "Shikisa talul wan shu tatajku ne techan, wan ne munekit wan ne pijpilishnaj wan ne pupuyumet wan ne metzkelumet, shalinkalakti muchi ka nikan!"

²² Wan ne tekitini inak:

    "Tajtzin, muchijtuk tay tiktuktij, wan teuk nemi tentuk."

²³ Wan ne tajtzin kilwij ne tekitini:

    "Shikisa wan shinejnemi ijpak ne ujujti wan ijtik ne kujkulal, wan shikchiwa ma kalakikan muchi pal ma mutema ne nukal, ²⁴ ika nimetzinhilwia ka nian se pal ne takamet wan siwatket ne nalinnutztuk yawit kiejekuat ne nutakwal!"

²⁶ —Asu aka nutech witz wan te kishijia ne iteku wan ne inan wan ne isiwaw wan ne ipilawan wan ne iikawan wan ne ieltiwan wan hasta ne ialmaj, inte weli muchiwa numumachtiani. ²⁷ Ká inte kiwika ne icruz isel wan witz nuipan inte weli muchiwa numumachtiani. ²⁸ Ika katiawel pal anmejemet asu kineki kiketza se tepekal inte mutalia achtu tasenpua keski tumin muneki pal kita asu kipia pal kitamia, ²⁹ pal kiane, kwak tamik kitalia ne tetzilnaj wan te weli kitamia, ma inte kipakilikan muchi ne tajtachiat ³⁰ inat:

    "Yajini pejki kiketza wan te welik yekawi!"

³¹ Wan katiawel ne tatuktiani, asu kisa musuma iwan seuk tatuktiani, inte mutalia achtu tanawatia asu yaja iwan diez mil takat weli kinamiki ne seuk ká kisa kisuma iwan veinte mil, ³² wan asu inte, kwak yajane nemiuk wejka kintuktia itech noymet kitajtanit nejmachnemilis? ³³ Kienej tel, muchi itzalan anmejemet ká inte kiajkawat muchi tay inpal, inte welit muchiwat numumachtiani.

³⁴ Yajika, yek nemi ne istat, wan asu ne istat intea ajwiak ken tiawit tikajshitiat? ³⁵ Intea yek nian pal tal nian pal kwitat, semaya pal ma kitamutakan tik ne tajsul. Ká kipia takakilis pal weli takaki, ma takaki!