Lukas 20

Ne Bibliaj Tik Nawat

—Shitechilwi katiawel ne tatuktilis pal tiweli tikchiwa muchi uni, wan ká ne metzmaka uni tatuktilis.

—Naja nusan nikpia se pal nimetzintajtanilia, shinechilwikan: ⁴ ne teulyujmakalis ipal Yojan walkiski ka ilwikak ush itech takamet?

"Asu tinat ka ilwikak, yawi ina: Taika inte ankiyulmatket? ⁶ Asu tinat itech takamet, muchi ne chinamit yawit techtejtemimat ika kimatit ka Yojan se taketzani."

—Naja nusan inte nimetzinhilwia katiawel ne tatuktilis pal nikchiwa uni.

—Se takat kitukak se shukumekamil wan kiajkaw ne mil tik inmejmey talchiwanimet wan yajki wejka wan né nakak miak metzti. ¹⁰ Kwak ajsik ne tunal, kituktij se tekitini ka né ma kimakakan sejse pal ne itakil ipal ne mil. Uni talchiwanimet kiwitekket wan kishtijket wan te kimakaket tatka. ¹¹ Wan senpa kituktij ukse tekitini. Yaja nusan kiwitekket wan kitzuntekket wan kishtijket, wan te kimakaket tatka. ¹² Wan senpa kituktij seuk, wan nusan kichalujket wan kishtijket. ¹³ Ne itekuyu pal ne shukumekamil inak:

    "Nikmati tay niaw nikchiwa: niaw niktuktia ne nutelpuch yektasujtatuk; anka yaja kitakamatisket."

¹⁴ Kwak kitaket, ne talchiwanimet muilwijket:

    "Muchi yawi ipal ini kwak miki ne tutekuyu. Tiawit tikmiktiat yajini wan muchi yawi tupal!"

¹⁵ Wan kishtijket tik ne shukumekamil wan kimiktijket. Tay yawi kichiwa inwan ne itekuyu ipal ne mil? ¹⁶ Yawi witz wan yawi kinwilewa uni talchiwanimet wan yawi kinmaka sejseuk ne mil.

—Tesu keman!

—Tay kineki ina ini tel tay nemi tajkwilujtuk?

    "Ne tet ne kitejtenejket ne kalketzanimet

    mukwepki ne itzinteu kal!"

¹⁸ Ká wetzi pak uni tet yawi keluni, wan ká ijpak wetzi ne tet yawi kikwechua.

—Tamachtiani, tikmatit ka sema tay tejkia tina wan sema ne ujti yek ipal ne Teut titamachtia. ²² Nemi yek ma tiktashtawakan tumin ne taltikpaktuktiani ipal Roma ush inte?

²⁴ —Shinechilwitilikan se tumin. Ká ipal ini tachialis?

—Ipal ne taltikpaktuktiani.

—Yek, shikmakakan ne taltikpaktuktiani tay ipal ne taltikpaktuktiani wan shikmakakan ne Teut tay ipal ne Teut.

²⁸ —Tamachtiani, Moshe techilwij ijtik iamaw: "Asu miki ne iechkaw se wan kipiatuya isiwaw wan te kipiatuya ipilawan, ne iikaw nemi pal kikwi ne isiwaw ne miktuk pal kiketza ne ishinach ne iechkaw." ²⁹ Nemiket tel chikume takat ká muchi tekniwan wan ne achtu munamiktij wan mikik wan te kipiatuya ipilawan, ³⁰ ne ume nusan, ³¹ wan ne yey munamiktij iwan, wan muchi yejemet kenhaya inte kiajkawket inpilawan wan mikiket muchi, hasta ne chikume. ³² Tipan nusan ne siwat mikik. ³³ Kwak yawit muyulkwepat, katiawel ne ishulejyu uni siwat? Ika ne chijchikume munamiktijtiwit iwan!

³⁴ Wan Yeshu kinhilwij:

—Ne takamet pal ini taltikpak munamiktiat wan tanamiktiat. ³⁵ Ne yejyek ká nemisket ipal uni taltikpak wan yawit muyulkwepat kwak miktiwit, nian yawit munamiktiat nian yawit tanamiktiat, ³⁶ ika intea welit mikit senpa, yejemet ken tanawatianimet, wan muchiwat ipilawan ne Teut muyulkweptiwit. ³⁷ Moshe nusan, ishpan ne kwawit mimilaka, taneshtij ka ne miktiwit muyulkwepat kwak ina ka Tutajwan yaja ne Teut ipal Abraham wan ne Teut ipal Itzak wan ne Teut ipal Yakob: ³⁸ ne Teut inte ipal ne miktiwit asunte ipal ne yujyultuk, ika muchi yejemet yujyultuk ipal.

—Tamachtiani, tinak yek.

—Ken ka inat ka ne Mawaltijtuk ne itelpuch Dawid? ⁴² Ne Dawid ina tik ne amat ipal ne Sajsalmoj:

    "Ne Nuteku kilwij ne nutajtzin: shimutali ka nuyekkan ⁴³ hasta ma niktali ká ne kinekit metzijtakuat ken se petat ka itan mujmukshi."

⁴⁴ Asu Dawid kilwia "nutajtzin", ken weli ma ikunew?

⁴⁶ —Shiktalikan cuidadoj wan ne tajkwiluanimet ne kinekit pashaluat tik wijwipil weyak wan ma muchi kintajpalukan tik ne tiankis, wan kinekit ne ajachtu mutalijka tik ne kalsennemit wan ma nemikan itzalan ne weymet tik yujyualu, ⁴⁷ ne kalakit inchan lajlamajtzitzinmet wan muchi kikwat, wan taketzat wey pal kinutzat ne Teut. Yejemet sujsul yawit muchiwat juzgar!