Font Size
Luke 12
Hawai‘i Pidgin
Luke 12
Hawai‘i Pidgin
Da Guys Dat Teach One Ting An Do Anodda
12 Bumbye uku plenny peopo wen come togedda, dat dey even step on top each odda. Jesus wen start fo talk to his guys first. He say, “Watch out fo da Pharisee guys, cuz dey teach one ting an do anodda. So watch out you no come like dem. Dey jalike da yeast fo make bread -- ony need litto bit fo change da whole bread. 2 Cuz you know, everyting dat stay unda one cover, da peopo goin see um, an everyting dat stay hiding, dey goin find out. 3 Wateva you say in da dark time, dey goin hear um wen come light. Wateva you wispa in somebodyʼs ear behind one door dat stay close, somebody goin yell um from da top a da house. So, no teach one ting an do anodda.”
You Scared?
4 “My friends, I telling you, no scared da guys dat can kill yoa body, but afta dat, dey no can do notting mo worse den dat. 5 But I show you who fo be scared bout -- betta be scared God, cuz he can kill yoa body an den he get da power fo throw you inside Hell. Yeah, I telling you, he da one you gotta be scared bout! 6 Five sparrows cost ony two cents, yeah? But yet God no foget one a dem. 7 God, he even know how much hairs you get on top yoa head. Fo him, you guys no need be scared, cuz you worth mo den plenny sparrows.
Who Jesus?
8 “I telling you, whoeva say in front da peopo dat he my guy, I goin say in front Godʼs angel guys dat I know dat guy, cuz I da Guy Dass Fo Real. 9 But da guy dat say in front da peopo dat he no like be my guy, I goin say in front Godʼs angel guys dat he not my guy.
10 “Whoeva talk bad bout me, da Guy Dass Fo Real, God goin let dem go hemo da shame fo dat. But whoeva talk bad bout Godʼs Spesho Spirit, God no goin let dem go an hemo da shame fo dat.
11 “Wen dey bring you guys in front da Jewish church peopo, o in front da leada guys, o da guys dat get plenny power, no worry wat you goin say, 12 cuz dat time Godʼs Spesho Spirit goin tell you guys wat fo say.”
Da Rich Guy Dat No Tink
13 Get plenny peopo ova dea, an one guy aks him, “Teacha, tell my brudda he gotta half half da stuff our fadda wen leave us, an give me my share.”
14 Jesus say, “Eh, who wen give me da right fo judge dat, o fo half half da stuff an give you yoa share an yoa brudda his share?”
15 Jesus tell da peopo, “Watch out! Make shua you no try get everyting fo yoaself, cuz you no goin ony live fo real kine by da plenny stuffs you get.”
16 Den Jesus tell one story fo teach um: “One rich guy get one land, an he get plenny wheat. 17 He tinking, ‘Wat I goin do? I no mo place fo store my wheat an odda stuffs. 18 I know wat! I goin bus up my store houses an make um mo big, an inside I goin store all my wheat an odda stuffs. 19 Den I goin tell myself, “Eh, fo shua I one lucky guy! I get plenny good stuffs store up fo long time. So I can take it easy, an eat an drink an party up!” ’ 20 But God say, ‘Eh Brah! You no tink! Tonite you goin mahke! Den who goin get all da stuffs you wen stack up?’
21 “Dass wat goin happen to all da peopo dat make big stack stuffs fo demself, but God see um like dey no mo notting.”
Trus God An No Worry
22 Den Jesus tell his guys, “Dass why I telling you guys, no worry bout notting, how you goin live, wat you goin eat. No worry bout yoa body, wat you goin wear. 23 Wat you tink? You live ony fo food? No way! An yoa body ony fo clotheses? Not even! 24 Tink bout da birds dat fly inside da sky. Dey no plant seed o get one crop o put um inside da store houses, but God feed dem. An you guys worth mo plenny den da birds! 25 Wat one a you guys can worry ony, an dat make him stay alive one mo day? 26 If you no can do dat, how come you worry bout da odda stuffs? 27 Tink bout da flowers, how dey grow. Dey no work o make dea own clotheses. But I telling you, even King Solomon, wit all his awesome stuffs, neva get da kine awesome clotheses like da flowers. 28 Da grass inside da field stay growing one day, an dey throw um on top da fire da nex day. Eh, God give da grass da kine clotheses like da flowers, so garans he goin give you guys clotheses even moa. You guys ony trus litto bit! 29 So eh! No go worry bout wat you goin eat, o wat you goin drink. No worry bout um notting. 30 All da diffren peopos dat donno God, dey try get all dat kine stuff. But yoa Fadda know dat you need all dat. 31 Make God da Boss fo yoa life, cuz he da King, an he goin give you guys all dat kine stuff too.
Da Rich Stuff Inside Da Sky
32 “You guys, you jalike baby sheeps. No scared, cuz yoa Fadda da King like give you everyting he get. 33 Sell everyting you get an give da money to da peopo dat no mo notting. Get da kine money bag dat no goin get holes. Make shua you get da importan kine stuff from God inside da sky, dat stay foeva. Da steala guy no can steal um ova dea, an da bugs no can eat um up. 34 Cuz you know, wateva kine stuffs stay da mos importan fo you, dass wea yoa heart stay.
Da Workas Dat Stay Awake An Ready
35 “Betta be ready, jalike you put on yoa clotheses an get ready fo work, an leave da light on, 36 jalike da worka guys dat wait fo dea boss, wen he come back from da wedding lu‛au. Wen he come knock da door, right den an dea dey open da door fo him. 37 Wen da boss come back, goin be good fo da worka guys dat stay awake an watching. Dass right! An I like tell you guys dis too: Fo dem, da boss goin put on one workaʼs clotheses, make his workas sit down at da table, an bring um food. 38 Wen da boss come back, goin be good fo da worka guys dat stay ready, no matta he show up real late nite time. 39 Listen! If da guy inside da house wen know wat time da steala guy goin come, he no goin let um bus up da house. 40 So you guys too, you betta be ready, cuz I da Guy Dass Fo Real, an wen you tink dat I no goin come back, I goin come back.”
Da Good An Da Bad Worka
41 Peter say, “Boss, you telling dis story fo us o fo everybody?”
42 Den Jesus da Boss wen say, “If get one luna guy dat smart an his boss trus him, dass da guy his boss goin put um in charge a da odda workas, fo give um dea food da right time. 43 Wen da boss come back, dat luna guy goin stay good inside if he wen do wat da boss wen tell him fo do. 44 Dass right! An I like tell you guys dis: Da boss goin put him in charge all his stuffs. 45 But if da worka guy tink, ‘Long time my boss no come,’ an he beef wit da odda worka guys an da wahines, an he eat an drink an get drunk, 46 dat guyʼs boss goin come back one day wen da luna guy no tink he goin come, an one time wen da luna guy donno. Da boss goin wipe out da luna guy an send um away wea da peopo stay dat no trus God.
47 “Da worka guy dat know wat his boss like, an no get ready fo do um, an no do wat da boss like him fo do, his boss goin punish him real hard. 48 But da worka guy dat donno wat his boss like um fo do, so he do someting bad, his boss goin ony punish him litto bit, cuz da guy neva know. So, if God give you everyting you need fo work fo him, you betta do um good job fo him.”
Peopo Goin Fight Cuz A Jesus
49 “I wen come fo bring da fire on top da earth, an now I like da fire fo start. 50 But first I gotta suffa plenny, an I get hard time now till dat pau. 51 You tink I wen come to dis world fo help everybody come friends an no fight? I no come fo dat, but fo make um go agains each odda. 52 From now, on goin get five peopo in one ohana dat stay fight each odda, three agains two, an two agains three. 53 Dey goin stay agains each odda, da faddas agains dea boys, an da boys agains dea faddas, muddas agains dea girls, an girls agains dea muddas, mudda-in-laws agains dea daughta-in-laws, an daughta-in-laws agains dea mudda-in-laws.”
You Can Figga Da Time
54 Jesus tell da peopo, “Wen you spock one black cloud coming up, right den an dea you say, ‘Goin rain,’ an dass wat happen. 55 An wen you feel da kona wind blowing, you say, ‘Goin come hot,’ an dass wat happen. 56 You guys say one ting an do anodda! You can figga wat goin happen from da earth an da sky. How come you no can figga da tings dat stay happening now?”
Make Good Wit Yoa Brudda
57 “How come you no figga fo yoaself wat stay right? 58 Wen you going in front da judge wit one guy dat stay agains you, try fo make good wit him befo you go ova dea. Cuz if you no do dat, he goin drag you in front da judge, an da judge goin give you to da police, an da police goin throw you in jail. 59 I telling you, you gotta pay every penny you owe befo you can come out.”
Luke 12
New International Version
Luke 12
New International Version
Warnings and Encouragements(A)
12 Meanwhile, when a crowd of many thousands had gathered, so that they were trampling on one another, Jesus began to speak first to his disciples, saying: “Be[a] on your guard against the yeast of the Pharisees, which is hypocrisy.(B) 2 There is nothing concealed that will not be disclosed, or hidden that will not be made known.(C) 3 What you have said in the dark will be heard in the daylight, and what you have whispered in the ear in the inner rooms will be proclaimed from the roofs.
4 “I tell you, my friends,(D) do not be afraid of those who kill the body and after that can do no more. 5 But I will show you whom you should fear: Fear him who, after your body has been killed, has authority to throw you into hell. Yes, I tell you, fear him.(E) 6 Are not five sparrows sold for two pennies? Yet not one of them is forgotten by God. 7 Indeed, the very hairs of your head are all numbered.(F) Don’t be afraid; you are worth more than many sparrows.(G)
8 “I tell you, whoever publicly acknowledges me before others, the Son of Man will also acknowledge before the angels of God.(H) 9 But whoever disowns me before others will be disowned(I) before the angels of God. 10 And everyone who speaks a word against the Son of Man(J) will be forgiven, but anyone who blasphemes against the Holy Spirit will not be forgiven.(K)
11 “When you are brought before synagogues, rulers and authorities, do not worry about how you will defend yourselves or what you will say,(L) 12 for the Holy Spirit will teach you at that time what you should say.”(M)
The Parable of the Rich Fool
13 Someone in the crowd said to him, “Teacher, tell my brother to divide the inheritance with me.”
14 Jesus replied, “Man, who appointed me a judge or an arbiter between you?” 15 Then he said to them, “Watch out! Be on your guard against all kinds of greed; life does not consist in an abundance of possessions.”(N)
16 And he told them this parable: “The ground of a certain rich man yielded an abundant harvest. 17 He thought to himself, ‘What shall I do? I have no place to store my crops.’
18 “Then he said, ‘This is what I’ll do. I will tear down my barns and build bigger ones, and there I will store my surplus grain. 19 And I’ll say to myself, “You have plenty of grain laid up for many years. Take life easy; eat, drink and be merry.”’
20 “But God said to him, ‘You fool!(O) This very night your life will be demanded from you.(P) Then who will get what you have prepared for yourself?’(Q)
21 “This is how it will be with whoever stores up things for themselves but is not rich toward God.”(R)
Do Not Worry(S)
22 Then Jesus said to his disciples: “Therefore I tell you, do not worry about your life, what you will eat; or about your body, what you will wear. 23 For life is more than food, and the body more than clothes. 24 Consider the ravens: They do not sow or reap, they have no storeroom or barn; yet God feeds them.(T) And how much more valuable you are than birds! 25 Who of you by worrying can add a single hour to your life[b]? 26 Since you cannot do this very little thing, why do you worry about the rest?
27 “Consider how the wild flowers grow. They do not labor or spin. Yet I tell you, not even Solomon in all his splendor(U) was dressed like one of these. 28 If that is how God clothes the grass of the field, which is here today, and tomorrow is thrown into the fire, how much more will he clothe you—you of little faith!(V) 29 And do not set your heart on what you will eat or drink; do not worry about it. 30 For the pagan world runs after all such things, and your Father(W) knows that you need them.(X) 31 But seek his kingdom,(Y) and these things will be given to you as well.(Z)
32 “Do not be afraid,(AA) little flock, for your Father has been pleased to give you the kingdom.(AB) 33 Sell your possessions and give to the poor.(AC) Provide purses for yourselves that will not wear out, a treasure in heaven(AD) that will never fail, where no thief comes near and no moth destroys.(AE) 34 For where your treasure is, there your heart will be also.(AF)
Watchfulness(AG)(AH)
35 “Be dressed ready for service and keep your lamps burning, 36 like servants waiting for their master to return from a wedding banquet, so that when he comes and knocks they can immediately open the door for him. 37 It will be good for those servants whose master finds them watching when he comes.(AI) Truly I tell you, he will dress himself to serve, will have them recline at the table and will come and wait on them.(AJ) 38 It will be good for those servants whose master finds them ready, even if he comes in the middle of the night or toward daybreak. 39 But understand this: If the owner of the house had known at what hour the thief(AK) was coming, he would not have let his house be broken into. 40 You also must be ready,(AL) because the Son of Man will come at an hour when you do not expect him.”
41 Peter asked, “Lord, are you telling this parable to us, or to everyone?”
42 The Lord(AM) answered, “Who then is the faithful and wise manager, whom the master puts in charge of his servants to give them their food allowance at the proper time? 43 It will be good for that servant whom the master finds doing so when he returns. 44 Truly I tell you, he will put him in charge of all his possessions. 45 But suppose the servant says to himself, ‘My master is taking a long time in coming,’ and he then begins to beat the other servants, both men and women, and to eat and drink and get drunk. 46 The master of that servant will come on a day when he does not expect him and at an hour he is not aware of.(AN) He will cut him to pieces and assign him a place with the unbelievers.
47 “The servant who knows the master’s will and does not get ready or does not do what the master wants will be beaten with many blows.(AO) 48 But the one who does not know and does things deserving punishment will be beaten with few blows.(AP) From everyone who has been given much, much will be demanded; and from the one who has been entrusted with much, much more will be asked.
Not Peace but Division(AQ)
49 “I have come to bring fire on the earth, and how I wish it were already kindled! 50 But I have a baptism(AR) to undergo, and what constraint I am under until it is completed!(AS) 51 Do you think I came to bring peace on earth? No, I tell you, but division. 52 From now on there will be five in one family divided against each other, three against two and two against three. 53 They will be divided, father against son and son against father, mother against daughter and daughter against mother, mother-in-law against daughter-in-law and daughter-in-law against mother-in-law.”(AT)
Interpreting the Times
54 He said to the crowd: “When you see a cloud rising in the west, immediately you say, ‘It’s going to rain,’ and it does.(AU) 55 And when the south wind blows, you say, ‘It’s going to be hot,’ and it is. 56 Hypocrites! You know how to interpret the appearance of the earth and the sky. How is it that you don’t know how to interpret this present time?(AV)
57 “Why don’t you judge for yourselves what is right? 58 As you are going with your adversary to the magistrate, try hard to be reconciled on the way, or your adversary may drag you off to the judge, and the judge turn you over to the officer, and the officer throw you into prison.(AW) 59 I tell you, you will not get out until you have paid the last penny.”(AX)
Footnotes
- Luke 12:1 Or speak to his disciples, saying: “First of all, be
- Luke 12:25 Or single cubit to your height
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.