Font Size
Matthew 24
Hawai‘i Pidgin
Matthew 24
Hawai‘i Pidgin
Jesus Say, “Da Temple, Dey Goin Bus Um Up”
24 Jesus was going outside from da temple yard, an his guys come an say, “Eh, Teacha, check out da buildings ova hea! Ho ka! Awesome, yeah?”
2 Jesus say, “Eh, az right! An I like tell you guys dis too: You know all dis stuff? Bumbye no goin get one stone on top da odda ova hea. Goin be all throw down from how dey stay.”
Peopo Goin Suffa
3 Den bumbye, Jesus wen go Olive Ridge an sit down ova dea. Wen no mo odda guys dea, his guys go by him. Dey aks him, “Wat time all dat kine stuff goin happen? An wat kine ting goin happen fo show us wen you goin come back ova hea, an wen da world goin pau?”
4 Jesus tell um, “Watch out! No let nobody fool you guys! 5 Plenny guys goin show up an try ack jalike dey me. Dey goin say, ‘Eh, me, I dat Spesho Christ Guy From God!’ An dey goin fool plenny peopo lidat. 6 You guys goin hear da war dat stay by us guys, an you guys goin hear bout da wars dat stay all ova da odda places. No freak out. All dat kine stuff gotta happen, but dat no goin mean everyting goin pau yet. 7 Goin get fighting. One country goin start fight one nodda country. One king goin fight one nodda king. Plenny peopo goin get notting fo eat. Plenny diffren places, da groun goin shake hard plenny. 8 Peopo goin suffa plenny, but all dat, ony fo start.
9 “Dat time, dey goin set you guys up an make you guys suffa, an dey goin kill you guys. All da diffren kine peopos all ova da world goin hate you guys cuz you stay my guys. 10 Den, goin get plenny guys dat goin stop trussing me, cuz dey no can handle wat stay happening. An dey goin hate each odda an set up dea own bruddas. 11 Goin get plenny guys dat goin show up an say dey hea fo talk fo God, but dey ony bulai, an dey goin fool plenny peopo. 12 Goin get mo an mo peopo dat goin everytime broke Godʼs Rules mo an moa, az why plenny peopo no goin get aloha fo each odda no moa. 13 But whoeva can handle an hang in dea till all dis pau, dey da ones dat goin come out okay. 14 All ova da world goin get peopo dat goin tell all da Good Kine Stuff bout how peopo can get God fo dea King. All da diffren kine peopos goin hear wass fo real, an den, everyting goin pau.
Someting Real Bad Goin Mess Up Everyting
15 “Daniel, da guy dat wen talk fo God befo time, he wen say dat someting dat God hate plenny, goin happen. Dat ting so bad, goin mess up everyting an make everybody jus bag. Da ting goin stand inside da place dat stay spesho fo God. (Whoeva read dis, dey gotta figga um out.) 16 You know, wen you guys see dat happen, if you stay Judea side, go run to da mountains. 17 If you stay on top one house dat get flat roof, no go inside fo take yoa stuffs wit you. 18 If you stay inside da fields, no go home fo get yoa clotheses. 19 Dat time, goin get hard time fo da hapai wahines an da muddas dat stay nursing dea babies!
20 “Aks God fo no let dis stuff happen winta time o on da Rest Day. 21 Cuz dat time everybody goin choken suffa to da max. Neva have notting lidat eva wen happen befo, not even from wen God wen make da world till now, an no goin get notting lidat eva goin happen again. 22 But God goin make dat time mo short, so goin get peopo dat goin come out okay. Da Boss like help da peopo he wen pick, dass why he goin make dat suffa plenny time mo short.
23 “Dat time, if get one guy dat tell you guys, ‘Eh, look! Christ, da Spesho Guy God Wen Send, he stay ova hea!’ o ‘He stay ova dea!’ no go trus dat kine guy! 24 Goin get plenny fake kine guys who say dey Christ, an goin get plenny fake kine guys who say dey talk fo God. Dey goin do unreal an awesome stuff fo try show proof dat dey fo real, an dey goin even try fool da peopo dat God wen pick.
25 “Eh! Befo all dat happen, I stay telling you guys everyting now awready. 26 If some guys say, ‘Eh! Christ stay inside da boonies!’ no go ova dea. If dey say, ‘Eh! He stay inside dat house ova dea!’ no trus um notting. 27 I da Guy Dass fo Real, an wen I come back, goin be jalike wen da lightning come from da east side an shine all ova to da west side. 28 Wen dat happen, you guys goin know wea I stay. Jalike everybody know wea get someting mahke wen da scavenja birds come togedda ova dea.
Da Guy Dass Fo Real Goin Come Back
29 “Right afta dat time fo suffa plenny, dis wat goin happen:
‘Da sun goin come black.
Da moon no goin shine.
Da stars goin fall down from da sky.
An all da spirits inside da sky dat get plenny power,
Dey goin come all kapakahi.’
30 “I da Guy Dass Fo Real. Dat time, da peopo goin see someting up dea inside da sky dat goin show dem dat I stay coming. An all da diffren kine peopos all ova da world goin cry hard an be real sad. Den dey goin spock me, da Guy Dass Fo Real. I coming on top da clouds inside da sky. I goin come wit power an I goin be awesome! 31 Da trumpet goin make big noise, an I goin send my angel messenja guys fo bring togedda all da peopo dat God wen pick from all ova da world, every place dat get undaneat da sky.
Da Fig Tree Teach Us Someting
32 “Eh you guys, try learn someting from da fig tree. Wen da fig tree make new branch an get new leaf, you guys goin know dat summa time stay coming. 33 Same ting, wen you guys see all dis stuff happen, den you goin know, I stay coming an everyting stay ready. 34 Dass right! An I tell you guys dis too: From da peopo dat stay ova hea right now, get guys dat no goin mahke befo all dis stuff goin happen. 35 Da world an da sky goin pau, but da tings I say no goin pau, eva.
Nobody Know Da Day O Da Time Dat Goin Happen
36 “Nobody know wen all dat goin happen, not even da day o da time. Da angel guys inside da sky, even dem, dey donno. Even me, I Godʼs Boy, an I donno da time. Ony my Fadda know da time!
37 “I da Guy Dass Fo Real. Wen I come back, everyting goin be jalike befo time wen da guy Noah wen stay. 38 Dat time, befo da big water wen come, everybody was eating an drinking. Dey was getting married an giving dea girls fo get married. Dey still was doing dat till da time wen Noah wen go inside da big boat. 39 Da odda peopo, dey neva know wat was goin happen, till da big water wen come an wipe um out. You know, I da Guy Dass Fo Real, an wen I come back, goin be same ting lidat.
40 “Goin get two guys working inside one field. God goin take one guy, an he no goin take da odda guy. 41 Goin get two wahines working togedda fo make flour fo bread wit one grinding stone. God goin take one wahine, an he no goin take da odda.
42 “So, watch out! Cuz you guys donno wat time yoa Boss goin come back. 43 But you guys gotta figga dis: If da head guy inside da house wen know wat time da steala guy goin come, he goin watch out fo um. He no goin let um inside fo bus up his place. 44 Az why you guys betta be ready, cuz I da Guy Dass Fo Real. Da time you guys tink I no goin come, dass wen I goin come.
Da Worka Guy Da Boss Can Trus
45 “So den, good fo be jalike one worka guy dat da boss can trus cuz da guy tink plenny how fo do tings right. He da guy, da boss goin make him da luna in charge a his house an his ohana, so he can give everybody dea food wen da right time stay. 46 Wen da boss come back, da worka guy goin stay good inside if he stay doing jalike his boss wen tell him. 47 Dass right! An I tell you guys dis too: Da boss goin put dat guy in charge a everyting he get.
48 “But if dat worka guy do bad kine stuff, den he goin tink, ‘Eh, long time my boss no goin come back.’ 49 An he goin start fo bus up da odda worka guys, an he goin eat an drink wit all da odda drunk guys. 50 Den goin get one time, da boss goin come back an da worka tink he still yet not coming, an donno wat time he stay coming. 51 Den da boss goin bus him up, an throw him outside wit da bulaia kine guys who say one ting an do anodda. Ova dea da guys goin cry real hard an grind dea teet cuz dey so huhu an futless.”
Matthew 24
New International Version
Matthew 24
New International Version
The Destruction of the Temple and Signs of the End Times(A)
24 Jesus left the temple and was walking away when his disciples came up to him to call his attention to its buildings. 2 “Do you see all these things?” he asked. “Truly I tell you, not one stone here will be left on another;(B) every one will be thrown down.”
3 As Jesus was sitting on the Mount of Olives,(C) the disciples came to him privately. “Tell us,” they said, “when will this happen, and what will be the sign of your coming(D) and of the end of the age?”(E)
4 Jesus answered: “Watch out that no one deceives you.(F) 5 For many will come in my name, claiming, ‘I am the Messiah,’ and will deceive many.(G) 6 You will hear of wars and rumors of wars, but see to it that you are not alarmed. Such things must happen, but the end is still to come. 7 Nation will rise against nation, and kingdom against kingdom.(H) There will be famines(I) and earthquakes in various places. 8 All these are the beginning of birth pains.
9 “Then you will be handed over to be persecuted(J) and put to death,(K) and you will be hated by all nations because of me.(L) 10 At that time many will turn away from the faith and will betray and hate each other, 11 and many false prophets(M) will appear and deceive many people.(N) 12 Because of the increase of wickedness, the love of most will grow cold, 13 but the one who stands firm to the end will be saved.(O) 14 And this gospel of the kingdom(P) will be preached in the whole world(Q) as a testimony to all nations, and then the end will come.
15 “So when you see standing in the holy place(R) ‘the abomination that causes desolation,’[a](S) spoken of through the prophet Daniel—let the reader understand— 16 then let those who are in Judea flee to the mountains. 17 Let no one on the housetop(T) go down to take anything out of the house. 18 Let no one in the field go back to get their cloak. 19 How dreadful it will be in those days for pregnant women and nursing mothers!(U) 20 Pray that your flight will not take place in winter or on the Sabbath. 21 For then there will be great distress, unequaled from the beginning of the world until now—and never to be equaled again.(V)
22 “If those days had not been cut short, no one would survive, but for the sake of the elect(W) those days will be shortened. 23 At that time if anyone says to you, ‘Look, here is the Messiah!’ or, ‘There he is!’ do not believe it.(X) 24 For false messiahs and false prophets will appear and perform great signs and wonders(Y) to deceive, if possible, even the elect. 25 See, I have told you ahead of time.
26 “So if anyone tells you, ‘There he is, out in the wilderness,’ do not go out; or, ‘Here he is, in the inner rooms,’ do not believe it. 27 For as lightning(Z) that comes from the east is visible even in the west, so will be the coming(AA) of the Son of Man.(AB) 28 Wherever there is a carcass, there the vultures will gather.(AC)
29 “Immediately after the distress of those days
“‘the sun will be darkened,
and the moon will not give its light;
the stars will fall from the sky,
and the heavenly bodies will be shaken.’[b](AD)
30 “Then will appear the sign of the Son of Man in heaven. And then all the peoples of the earth[c] will mourn(AE) when they see the Son of Man coming on the clouds of heaven,(AF) with power and great glory.[d] 31 And he will send his angels(AG) with a loud trumpet call,(AH) and they will gather his elect from the four winds, from one end of the heavens to the other.
32 “Now learn this lesson from the fig tree: As soon as its twigs get tender and its leaves come out, you know that summer is near. 33 Even so, when you see all these things, you know that it[e] is near, right at the door.(AI) 34 Truly I tell you, this generation will certainly not pass away until all these things have happened.(AJ) 35 Heaven and earth will pass away, but my words will never pass away.(AK)
The Day and Hour Unknown(AL)(AM)
36 “But about that day or hour no one knows, not even the angels in heaven, nor the Son,[f] but only the Father.(AN) 37 As it was in the days of Noah,(AO) so it will be at the coming of the Son of Man. 38 For in the days before the flood, people were eating and drinking, marrying and giving in marriage,(AP) up to the day Noah entered the ark; 39 and they knew nothing about what would happen until the flood came and took them all away. That is how it will be at the coming of the Son of Man.(AQ) 40 Two men will be in the field; one will be taken and the other left.(AR) 41 Two women will be grinding with a hand mill; one will be taken and the other left.(AS)
42 “Therefore keep watch, because you do not know on what day your Lord will come.(AT) 43 But understand this: If the owner of the house had known at what time of night the thief was coming,(AU) he would have kept watch and would not have let his house be broken into. 44 So you also must be ready,(AV) because the Son of Man will come at an hour when you do not expect him.
45 “Who then is the faithful and wise servant,(AW) whom the master has put in charge of the servants in his household to give them their food at the proper time? 46 It will be good for that servant whose master finds him doing so when he returns.(AX) 47 Truly I tell you, he will put him in charge of all his possessions.(AY) 48 But suppose that servant is wicked and says to himself, ‘My master is staying away a long time,’ 49 and he then begins to beat his fellow servants and to eat and drink with drunkards.(AZ) 50 The master of that servant will come on a day when he does not expect him and at an hour he is not aware of. 51 He will cut him to pieces and assign him a place with the hypocrites, where there will be weeping and gnashing of teeth.(BA)
Footnotes
- Matthew 24:15 Daniel 9:27; 11:31; 12:11
- Matthew 24:29 Isaiah 13:10; 34:4
- Matthew 24:30 Or the tribes of the land
- Matthew 24:30 See Daniel 7:13-14.
- Matthew 24:33 Or he
- Matthew 24:36 Some manuscripts do not have nor the Son.
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.