Font Size
Matthew 6
Hawai‘i Pidgin
Matthew 6
Hawai‘i Pidgin
Give To Da Guys Dat No Mo Notting
6 “Watch out! No good you make show in front peopo wen you do da religious kine stuff, cuz you guys ony like dem see da religious kine stuff dat you guys do. If you guys make lidat, yoa Fadda in da sky no goin give you guys notting.
2 “Wen you guys give money to da guys dat no mo notting, no make big show jalike da guys dat say one ting an do anodda wen dey go inside da Jewish churches an wen dey walk in da town wea da peopo stay. Dey like da peopo say dat dey awesome. Dass right! An I telling you guys dis too: Dey wen get all dea pay awready.
3 “So you guys, wen you give money to da guys dat no mo notting, no tell nobody. 4 Den nobody goin know dat you give money. But yoa Fadda, he can see wat da odda guys no can see, an he goin give you plenny fo dat.
How fo Pray
5 “Wen you guys pray, no make like da guys dat say one ting an do anodda. Dey like stand up an pray inside da Jewish churches o outside wea everybody go, cuz dey like da peopo see wat dey do. Dass right! An I telling you dis too: Dey wen get all dea pay awready. 6 But you guys, wen you pray, go inside yoa room an close da door. Den pray to yoa Fadda. He stay inside da room wit you, wea da odda guys no can see, an he goin give you plenny fo dat. Cuz yoa Fadda can see wat da odda guys no can see.
7 “Wen you guys pray, no say any kine stuff dat mean notting. Get odda peopos all ova da world dat make lidat. Dey tink God goin listen to dem cuz dey say so plenny stuff wen dey pray. 8 No make like dem, cuz yoa Fadda know awready all da stuff you need, befo you aks him. 9 So, pray lidis,
‘God, you our Fadda.
You stay inside da sky.
We like all da peopo know fo shua how you stay,
An dat you stay good an spesho,
An we like dem give you plenny respeck.
10 We like you come King fo everybody now.
We like everybody make jalike you like,
Ova hea inside da world,
Jalike da angel guys up inside da sky make jalike you like.
11 Give us da food we need fo today an every day.
12 Hemo our shame, an let us go
Fo all da kine bad stuff we do to you,
Jalike us guys let da odda guys go awready,
An we no stay huhu wit dem
Fo all da kine bad stuff dey do to us.
13 No let us get chance fo do bad kine stuff,
But take us outa dea, so da Bad Guy no can hurt us.
[Cuz you our King,
You get da real power,
An you stay awesome foeva.
Dass it!]’
14 “I telling you guys, if you let da odda guys go afta dey do bad kine stuff to you, den yoa Fadda up dea inside da sky goin let you guys go, an hemo yoa shame fo all da kine bad stuff you guys do. 15 But if you no let da odda guys go afta dey do bad kine stuff to you, den yoa Fadda no goin let you guys go, an he no goin hemo yoa shame fo all da kine bad stuff you guys do.
Wen You No Eat So You Can Pray
16 “You guys, wen you no eat so you can pray, no make long face. Da guys dat say one ting an do anodda, dey try make demself look all hamajang so all da peopo can see dey no eat so dey can pray. Dass right! An I telling you guys dis too: Dey wen get all dea pay awready, an God no goin give um any moa.
17 “But you guys, wen you no eat so you can pray, comb yoa hair an wash yoa face, 18 so wen da peopo see you, dey no goin know you not eating so you can pray. Yoa Fadda see wat da odda guys no can see, an he goin give you plenny fo dat.
Stash Plenny Good Kine Stuff Inside Da Sky
19 “No work hard fo stash da kine stuffs dass importan ova hea inside dis world, cuz da moth an da rust goin eat um up, an da steala guys goin broke inside yoa house an take um. 20 Mo betta you guys do da good kine stuffs dass importan up dea inside da sky wea God stay. Ova dea da moth an da rust no can eat um up, an da steala guys no can broke inside yoa house an take um. 21 Cuz you know, wateva kine stuffs stay da mos importan fo you, dass wea yoa heart stay.
Da Light Fo Da Body
22 “You know, eh, da eye jalike one lamp fo inside da body. If da eye okay, dat mean, da guy stay all light inside. He get good heart fo help peopo. 23 But if da eye no good, dat mean, da guy stay all dark inside. He one greedy bugga! Eh brah, if no mo light inside you, you stay all dark inside fo shua!
God An Da Stuffs You Get
24 “Nobody can work, an two boss guys own him. He goin like listen to one boss an hate da odda. He goin like stick wit one boss an tink da odda guy no good. Same ting, you guys no can work fo da real God an da money god.
25 “Dass why I telling you guys, no worry bout how you goin live, wat you goin eat, wat you goin drink, wat you goin wear. Wat you tink? You live ony fo eat? No way! Yoa body ony fo clotheses? Not even! 26 Look da birds dat fly in da sky. Dey no plant seed, an get crops, an stash um, but yoa Fadda in da sky, he feed um. Tink! You guys mo importan den dem. 27 Wat you worry fo? You tink dat goin make you stay alive one mo hour? No way!
28 “An da clotheses, how come you worry bout dat? Tink! Da flowers dat grow in da field, how dey can grow? Dey no work o make dea own clotheses. 29 But I telling you, even King Solomon, wit all his awesome stuffs, neva get awesome clotheses like da flowers. 30 Da grass inside da field stay growing today, but tomorrow dey goin throw um inside da fire. Eh, God give da grass clotheses lidat, so garans he goin give you guys clotheses. You guys ony trussing God litto bit!
31 “So, eh! no go worry an say, ‘Wat we goin eat?’ o ‘Wat we goin drink?’ o ‘Wat we goin wear?’ 32 You know, da odda peopos all ova da world dat donno God, dey try get all dat kine stuff. But yoa Fadda inside da sky, he know you guys need um. 33 Main ting, make God yoa Boss, cuz he da King. Do da right ting jalike he do, an you guys goin get all da stuffs you need.
34 “So no worry bout tomorrow, cuz tomorrow get plenny fo worry bout. Every day get nuff trouble fo dat day.
Matthew 6
New International Version
Matthew 6
New International Version
Giving to the Needy
6 “Be careful not to practice your righteousness in front of others to be seen by them.(A) If you do, you will have no reward from your Father in heaven.
2 “So when you give to the needy, do not announce it with trumpets, as the hypocrites do in the synagogues and on the streets, to be honored by others. Truly I tell you, they have received their reward in full. 3 But when you give to the needy, do not let your left hand know what your right hand is doing, 4 so that your giving may be in secret. Then your Father, who sees what is done in secret, will reward you.(B)
Prayer(C)
5 “And when you pray, do not be like the hypocrites, for they love to pray standing(D) in the synagogues and on the street corners to be seen by others. Truly I tell you, they have received their reward in full. 6 But when you pray, go into your room, close the door and pray to your Father,(E) who is unseen. Then your Father, who sees what is done in secret, will reward you. 7 And when you pray, do not keep on babbling(F) like pagans, for they think they will be heard because of their many words.(G) 8 Do not be like them, for your Father knows what you need(H) before you ask him.
9 “This, then, is how you should pray:
“‘Our Father(I) in heaven,
hallowed be your name,
10 your kingdom(J) come,
your will be done,(K)
on earth as it is in heaven.
11 Give us today our daily bread.(L)
12 And forgive us our debts,
as we also have forgiven our debtors.(M)
13 And lead us not into temptation,[a](N)
but deliver us from the evil one.[b]’(O)
14 For if you forgive other people when they sin against you, your heavenly Father will also forgive you.(P) 15 But if you do not forgive others their sins, your Father will not forgive your sins.(Q)
Fasting
16 “When you fast,(R) do not look somber(S) as the hypocrites do, for they disfigure their faces to show others they are fasting. Truly I tell you, they have received their reward in full. 17 But when you fast, put oil on your head and wash your face, 18 so that it will not be obvious to others that you are fasting, but only to your Father, who is unseen; and your Father, who sees what is done in secret, will reward you.(T)
Treasures in Heaven(U)
19 “Do not store up for yourselves treasures on earth,(V) where moths and vermin destroy,(W) and where thieves break in and steal. 20 But store up for yourselves treasures in heaven,(X) where moths and vermin do not destroy, and where thieves do not break in and steal.(Y) 21 For where your treasure is, there your heart will be also.(Z)
22 “The eye is the lamp of the body. If your eyes are healthy,[c] your whole body will be full of light. 23 But if your eyes are unhealthy,[d] your whole body will be full of darkness. If then the light within you is darkness, how great is that darkness!
24 “No one can serve two masters. Either you will hate the one and love the other, or you will be devoted to the one and despise the other. You cannot serve both God and money.(AA)
Do Not Worry(AB)
25 “Therefore I tell you, do not worry(AC) about your life, what you will eat or drink; or about your body, what you will wear. Is not life more than food, and the body more than clothes? 26 Look at the birds of the air; they do not sow or reap or store away in barns, and yet your heavenly Father feeds them.(AD) Are you not much more valuable than they?(AE) 27 Can any one of you by worrying add a single hour to your life[e]?(AF)
28 “And why do you worry about clothes? See how the flowers of the field grow. They do not labor or spin. 29 Yet I tell you that not even Solomon in all his splendor(AG) was dressed like one of these. 30 If that is how God clothes the grass of the field, which is here today and tomorrow is thrown into the fire, will he not much more clothe you—you of little faith?(AH) 31 So do not worry, saying, ‘What shall we eat?’ or ‘What shall we drink?’ or ‘What shall we wear?’ 32 For the pagans run after all these things, and your heavenly Father knows that you need them.(AI) 33 But seek first his kingdom(AJ) and his righteousness, and all these things will be given to you as well.(AK) 34 Therefore do not worry about tomorrow, for tomorrow will worry about itself. Each day has enough trouble of its own.
Footnotes
- Matthew 6:13 The Greek for temptation can also mean testing.
- Matthew 6:13 Or from evil; some late manuscripts one, / for yours is the kingdom and the power and the glory forever. Amen.
- Matthew 6:22 The Greek for healthy here implies generous.
- Matthew 6:23 The Greek for unhealthy here implies stingy.
- Matthew 6:27 Or single cubit to your height
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.