Nnwom 114

Nkwa Asem

Twam dwom

114 Bere a Israelfo fii Misraim na Yakob asefo fii ananafo asase so no, ² Yuda bɛyɛɛ Awurade nkurɔfo kronkron na Israel bɛyɛɛ ɔno ankasa agyapade. ³ Ɛpo Kɔkɔɔ hui na oguanee. Yordan nso gyaee teɛ. ⁴ Mmepɔw huruhuruwii sɛ mmirekyi na nkoko nso huruhuruwii sɛ nguan mma. ⁵ Dɛn na ɛbae na wo Po woreguan? Na wo Yordan nso, woagyae teɛ? ⁶ Mo mmepɔw nso, adɛn na muhuruhuruw sɛ mmirekyi? Na mo nkoko, adɛn nti na muhuruhuruw sɛ nguan mma? ⁷ Asase, ma wo ho mpopo wɔ Awurade ba no mu wɔ Yakob Nyankopɔn anim, ⁸ ɔno a ɔma abotan dan nsubura na abo dan nsuwa no.