Tay Kichijket 27

Ne Bibliaj Tik Nawat

Tik ne ujti ka Roma

27 Kwak inaket ma tikisakan pal tiawit ka Italia tik se barcoj, kintemakat ne Pawlo wan uksejse ilpituk iwan se sentzuntuktiani itukay Yulius, ipal ne bandaj itukay Augustaj. ² Tikalakket tik se barcoj ipal Adramuteo ne yasneki nepa itech ne Asia, wan tiajkewket. Tuwan nemituya Aristarkos, se Tesalonikajtakat ipal Macedonia.

³ Ne ukse tunal tiajsiket Tzidon. Wan Yulius muwikak yek iwan Pawlo wan kiajkaw ajsi itech ne ikniwan ma kitajpiakan yek. ⁴ Wan tikisket iwan ne barcoj wan tipanuket inawak Kipre ika kishpitza nemi ka ukse ladoj. ⁵ Wan tipanuket ne at itech Kilikia wan Panpulia hasta tiajsiket tik Mura, ijtik ne tal ipal Lukia, ⁶ wan ka ikuni ne sentzuntuktiani kiajsik se barcoj ipal Aleksandria ne yawi ka Italia, wan techkalaktij.

⁷ Miak tunal tiajket chiujchiupika; sujsul uij ika ne ejekat inte techajkawa katka. Yajika kwak tiajsiket inawak Knidos, timuishkwepket pal titzinkisat ka Salmone tik Creta. ⁸ Weliket tipanut, melka uij, wan tiejkuket kan itukay Kaloy Limenes, ne nemi inawak ne techan itukay Lasaya.

⁹ Panuket miak tunal, wan tesajsay katka ma kisakan ka alamal ika walajtuya ne shupan, wan ne Pawlo kinhajajwak, ¹⁰ kinhilwia:

¹¹ Ne sentzuntuktiani kichiwilij casoj tay inat ne capitan wan ne itekuyu ipal ne tubarcoj, wan te kichiwilij casoj tay ina Pawlo, ¹² wan ken inte nemituya yek ne puertoj pal panut ne shupan ka né, muchi tanawatijket ma kisakan pal welit ajsit ka Poyniks; yaja se puertoj tik Creta ne tachia ka suroeste wan ka noroeste. ¹³ Kwak kishpitzki yulik ka tatzinu, kikejketzket ka kipiatuyat tay munekit; ajkewket wan pejket yawit inawak Creta.

¹⁴ Tipan pejki kishpitza se ejekat sujsul wey ipal noreste wan kintaski sea, ¹⁵ wan kwak mukwij ne barcoj wan te welituya tatka iwan ne ejekat, timuajkawket timuwikat, ¹⁶ wan tipanuket yajket itech se chikitik islaj itukay Kawda. Kinekik chiupi pal ma tikpulukan ne barcojtzin; ¹⁷ weliket kianat, wan kikwijket sejse pal kilpiat ne barcoj. Majmawit ma inte kinwika ne ejekat hasta musalua ne barcoj tik ne shaltal itech Libia. Kitemultijket ne tepusti wan muajkawat yawit.

¹⁸ Sujsul techtaski ne shupanhejekat. Se tunal, kitamutilijket ne at tay ne kisajsakat, ¹⁹ wan ne seuk, kitaminket ne tajtaiwan ipal ne barcoj. ²⁰ Te muitak nian tunal nian sitalmet ijtik miak tunal wan ne shupan techpitzinij wey. Muchi ne tejchialis ka tiawit timupalewiat kiski yajki tutech.

²¹ Kwakuni kwak tajselijtiwit wey, muketzki ne Pawlo itzalan yejemet wan inak:

²⁷ Kwak panutiwit majtakti-nawi tunal ka timuajkaniat nujme ijpak ne weyat ipal Adria, ka tajkuyua, ne atakamet pejket kikejketzat ka muajshitia ne tal, ²⁸ wan kwak kitamachijket kiajsiket ka kipiatuya senpual imajkul miktan. Yajket achi wan kwak kitamachijket senpa kitaket ka ne miktan semaya kipiatuya kashtul imajkul. ²⁹ Wan majmawit ka inat ka anka musalujtiwit tik tejtet, yajika kitaminket ipan ne barcoj nawi tepusti pal tea mijkwani hasta ma tatwi.

³⁰ Ne atakamet pejket mutatemuliat pal kisat chuluat tik ne barcoj. Inaket ka yawit kiwikat mas wejka ne tejtepusti iishpan ne barcoj, pal tashijshikuat, wan kitemultijket ne barcojtzin pak ne at. ³¹ Ne Pawlo kinhilwij ne sentzuntuktiani wan ne tasumanimet:

³² Kwakuni ne tasumanimet kikutunket ne mejmekat ipal ne barcojtzin wan kiajkawket wetzi.

³³ Kwak inteuk tanesi, ne Pawlo mutajtawelij inwan ma takwakan. Ina:

³⁵ Kwak tamik ina uni, kikwij tamal wan inak panpadiush tik itachialis muchi, wan kipitzakuj wan pejket takwat. ³⁶ Kwakuni muchi yulchikawayaket wan nusan takwajket.

³⁷ Tinemituyat ume tzunti wan yeshpual-kashtul-se takat tik ne barcoj. ³⁸ Kwak ishwitiwit, pal ma te akalaki ne barcoj, kishinijket ne tawial tik ne at.

³⁹ Kwak tanesik wan kitaket ne tal, inte kimatit katka kan nemit. Kitaket né wejka se kan kalaki ne at wan kipiatuya ashal iten ne at, kan kinekituyat kishtiat ne barcoj su welit. ⁴⁰ Wan kishtijket ne tejtepusti wan kiajkawket tik ne weyat, wan kikashanijket ne ijilpika ipal ne mejmelajkwawit, wan kiajkukijket ne wey kwachti kan kishpitza ne ejekat, wan pejket yawit ka tenhat. ⁴¹ Mutasket tik se kan munamikit ume at, wan kitalkalaktijket ne barcoj. Wan melka kunakak ne tzunbarcoj wan te weli mijkwani, ne weyat kichalua sujsul ka ipan hasta kitzitzinua.

⁴² Ne tasumanimet kinekituyat ma kinmiktikan ne ijilpituk pal ma inte weli se yejemet kisa chulua tik ne weyat. ⁴³ Ne sentzuntuktiani kinekituya kipalewia ne Pawlo wan te kinhajkaw, wan kintuktij ne welit maneluat ma mutamimakan achtu pal yawit ka tal, ⁴⁴ wan ne sejseuk ijpak kwajkwawit wan tajtakutun ipal ne barcoj, pal kiane nakaket muchi yek ijpak tal.