Tuˈj Marks 12:35-37
Mam, Central
T‑xjelbˈitz Jesús kye Parisey(A)
35 Teˈ nxnaqˈtzintaq Jesús toj tnejil ja te naˈbˈl Dios, xi tqanin jun t‑xjelbˈitz kye xnaqˈtzil tiˈj ojtxe kawbˈil: ¿Tzeˈntzin tten kyqˈmaˈn xnaqˈtzil tiˈj ojtxe kawbˈil, qa tyajil David te Crist, a Kolil, a at toklin tuˈn Dios? 36 Ax David qˈmante jun maj tuˈn Xewbˈaj Xjan:
Xi tqˈmaˈn Dios te wAjawa:
Qekuy toj nman qˈobˈa kawil wukˈiy,
ex kˈwel kyiˈjjo tajqˈoja wuˈnch.
37 Twutzx teˈ qa a David t‑xeˈchil Crist. ¿Me tzeˈntzin ttentz o yolin te David tiˈj Crist, a naˈmtaq titzˈje, ex ok tqˈoˈn te tAjaw?
Tbˈanilx ele t‑xnaqˈtzbˈin toj kywutzjo jniˈ xjal.
Read full chapter
Tuˈj Lucas 20:41-44
Mam, Central
T‑xjelbˈitz Jesús kye Parisey(A)
41 Xitzin tqaninl Jesús kye: ¿Tiˈquˈnil nkyqˈmaˈn xjal, qa t‑xeˈchil Crist te David, a nmaq kawil ojtxe? 42 Me atzin te David, iky te tqˈma kyjaluˈn toj uˈj te Bˈitzbˈil:
Xi tqˈmaˈn qMan Dios te wAjawa:
Qekuy toj nman qˈobˈa kawil wukˈiy,
43 ex kˈwel kyiˈjjo tajqˈoja wuˈn.
44 Twutzx teˈ qa ate Crist tyajil qtzan David. ¿Me tzeˈntzin ttentz o yolin te David tiˈj Crist, a naˈmtaq titzˈje, ex ok tqˈoˈn te tAjaw?
Read full chapterCopyright © 2002 by Wycliffe Bible Translators International