ئەیوب 26

Kurdi Sorani Standard

⁵ «تارماییەکان لە جیهانی مردوواندا
    لە سامناکی خودا دەلەرزن.
⁶ جیهانی مردووان لەبەردەم خودا ئاشکرایە،
    شوێنی لەناوچوون^[a] شاردراوە نییە.
⁷ ئاسمانی باکوور بەسەر بۆشاییدا لێک دەکێشێت و
    زەوی لەسەر هیچ هەڵدەواسێت.
⁸ ئاو لەناو هەورەکانی دەپێچێتەوە و
    هەور لەژێری نادڕێت.
⁹ ڕووی مانگی چواردە شەوە دەشارێتەوە،
    هەوری خۆی بەسەردا بڵاو دەکاتەوە.
¹⁰ ئاسۆی لەسەر ڕووی ئاوەکان کێشاوە
    وەک سنوور لەنێوان ڕووناکی و تاریکی.
¹¹ کۆڵەکەکانی ئاسمان دەلەرزن و
    لە سەرزەنشتکردنەکەی دەتۆقن.
¹² بە هێزی خۆی دەریا دەهەژێنێت و
    بە تێگەیشتنی خۆی زەبر لە ڕەهەڤ^[b] دەوەشێنێت.
¹³ بە هەناسەی ئەو ئاسمان ساماڵە و
    دەستی ئەو مارە هەڵاتووەکەی پێکا.
¹⁴ بێگومان ئەمانە شتە دەرەکییەکانی کارەکانی ئەون.
    هەواڵەکانی بە چرپە دێنە بەر گوێمان!
    ئیتر کێ لە هەورەتریشقەی هێزی تێدەگات؟»