زەبوورەکان 47

Kurdi Sorani Standard

² چونکە یەزدانی هەرەبەرز بە سامە،
    پاشایەکی گەورەیە بەسەر هەموو زەوییەوە.
³ نەتەوەکانی خستە ژێر دەستمان،
    گەلانی خستە ژێر پێمان.
⁴ میراتی بۆ هەڵبژاردین،
    کە شانازی یاقوبە^[a]، ئەوانەی خۆشویست.^[b]

⁵ لەناو هوتافی شادی خودا بەرزبووەوە^[c]،
    یەزدان بەرزبووەوە، لەگەڵ دەنگی کەڕەنا.
⁶ گۆرانی ستایش بۆ خودا بڵێن، گۆرانی ستایش،
    گۆرانی ستایش بۆ پاشامان بڵێن، گۆرانی ستایش.
⁷ چونکە خودا پاشای هەموو زەوییە،
    هۆنراوەی ستایشی بە گۆرانی بۆ بڵێن.

⁸ خودا پاشایەتی نەتەوەکان دەکات،
    خودا لەسەر تەختی پیرۆزی خۆی دادەنیشێت.
⁹ سەروەرانی گەلان وەک گەلی خودای ئیبراهیم کۆبوونەوە،
    چونکە پاشاکانی^[d] زەوی هی خودان،
    ئەو پایەی زۆر بەرزبووەوە.