Yesaya 12

Mawu a Mulungu mu Chichewa Chalero

“Ndikukuyamikani, Inu Yehova;
    chifukwa ngakhale munandipsera mtima,
mkwiyo wanu wachoka,
    ndipo mwanditonthoza.
² Zoonadi, Mulungu ndiye Mpulumutsi wanga;
    ndidzamudalira ndipo sindidzachita mantha.
Yehova ndiye mphamvu yanga ndi nyimbo yanga;
    Iye wakhala chipulumutso changa.”
³ Mudzakondwera popeza Yehova
    ali ngati chitsime cha chipulumutso chanu.

“Yamikani Yehova, tamandani dzina lake;
    mulengeze ntchito zake pakati pa mitundu ya anthu,
    ndipo mulalike kuti dzina lake ndi lopambana.
⁵ Imbirani Yehova, pakuti wachita ntchito zazikulu;
    zimenezi zidziwike pa dziko lonse lapansi.
⁶ Fuwulani ndi kuyimba mwachimwemwe, inu anthu a ku Ziyoni;
    pakuti Woyerayo wa Israeli ndi wamkulu pakati panu.”