Luka 23:44-49

Agano Jipya: Tafsiri ya Kusoma-Kwa-Urahisi

Yesu Afariki

(Mt 27:45-56; Mk 15:33-41; Yh 19:28-30)

⁴⁴ Ilikuwa yapata saa sita mchana, lakini kulibadilika kukawa giza mpaka saa tisa alasiri, ⁴⁵ kwa sababu jua liliacha kung'aa. Pazia ndani ya Hekalu lilichanika vipande viwili. ⁴⁶ Yesu alipaza sauti akasema, “Baba, ninaiweka roho yangu mikononi mwako!”^(A) Baada ya Yesu kusema haya, akafa.

⁴⁷ Mkuu wa askari wa Kirumi aliyekuwa pale alipoona yaliyotokea, alimsifu Mungu, akisema, “Ninajua mtu huyu alikuwa mtu mwema!”

⁴⁸ Watu wengi walikuwa wametoka mjini kuja kuona tukio hili. Walipoona, wakahuzunika, wakaondoka wakiwa wanapiga vifua vyao. ⁴⁹ Watu waliokuwa marafiki wa karibu wa Yesu walikuwepo pale. Pia, walikuwepo baadhi ya wanawake waliomfuata Yesu kutoka Galilaya. Walisimama mbali kutoka msalabani, waliyaona mambo haya.